Elkarteak Zinemaldiko zuzendariak zinemagintzari erakutsi dion maitasuna eta talde gisa egindako lana eskertu nahi dio, honako dohainak goraipatzeaz batera:

Jendearekiko harremanetan gaitasuna, kudeaketa-lanaren bidez erakutsia. Zinemara publiko berriak erakartzeko ahalmena. Sortzaile berriei lagundu die eta hainbat eztabaida gune berri sortuz. LGTBI kolektiboa horietako bat izaki.

LGTBI elkarteak Sebastiane Saria sortu zuen bere sorrera urtean. Zinemaldiko LGTBI filmik onena saritzeaz batera, bizitzeko eta sentitzeko modu desberdinak islatu nahi dituzte film horiek topatzeko modua erraztu nahi zion jendeari. Rebordinosek 2011n hartu zuen Zinemaldiaren ardura, harrezkero, laguntza eta arreta berezia eskaini omen die urtero.

Rebordinosek eta bere taldeak sortutako askatasun-eremu honek Zinemaldiaren nortasun-ezaugarri izaten jarraitzea nahi Gehituk. Elkarteak dioenez, “espero dugu noizbait Sebastiane eta antzeko LGTBI sarien premiarik ez izatea eta soilik zinema ona eta aberasgarria edukitzea”.

Jose Luis Rebordinosek datorren ostiralean hartuko du saria, Donostiako Principe zine aretoan, 19:30ean.