Ekainetik baldintzapean aske zegoen Otsoa Eribe, gaixotasun larria pairatzeagatik hirugarren gradua onartu baitzion Castelloko espetxeko zuzendaritzak. Astearte goizaldean hil da.

Urkabustaizekoa 2000. urtean kartzelaratu zuten, Mexikon atxilotua izan ostean. 30 urteko espetxe zigorra ari zen betetzen, eta 2016an bete zituen zigorraren hiru laurdenak.

Hemeretzi urte eman ditu espetxean, horietatik lau gaixorik. Berriak jakinarazi duenez, urtebete baino gehiago behar izan zuten gaixotasuna antzemateko.