Jaurlaritzari diru gehiago eskatuz erantzun dio Kristau Eskolak grebari
EAEko itundutako ikastetxetako langileek hamar urte daramatzate lan hitzarmena berritu gabe eta sindikatuen arabera, “eroste ahalmenaren galera metatuak %10etik gorakoak dira dagoeneko”.
EAEko Gizarte Ekimeneko ikastetxeetan aste honetarako deituriko grebaren lehen egunak %65etik gorako jarraipena izan du, ELA, LAB, CCOO, UGT eta STEILAS sindikatuek jakinarazi dutenez. 9.000 langiletik gora daude grebara deituta, EAEko itunpeko ikastetxeen %70 inguru. Jasotako babesa “oso zabala” izan dela adierazi dute sindikatuek.
5.000 lagun bildu ziren astearte eguerdian Bilbon egin zen manifestazioan, lan hitzarmena eguneratzea eskatzeko. Bertan, Kristau Eskola eta AICE-IZEI patronalek langileen aldarrikapenei ez dietela erantzun salatu zuten.
Azken egunetan patronalek bi proposamen helarazi dituzten arren, “sindikatuok adostutako gutxieneko plataforma bateratuan jasotako aldarrikapenetatik urrun daude oraindik”. Gauzak honela, Patronalei dei egin diete “langileen lan-baldintzen ardura beren gain hartu, edukirik gabeko proposamenak egiteari utzi eta langileen aldarrikapenei erantzuteko”.
Kristau Eskolaren arabera, “aurkezturiko azken eskaintza hobetzea oso zaila izango da”. Mikel Ormazabal patronaleko zuzendariak adierazi duenez, “langileen aldarrikapenak ulergarriak izan daitezke, baina finantziazioa behar da eta Eusko Jaurlaritzatik jasotakoa ez da nahikoa”. Horregatik, Lakuako Gobernuari kontzientziatzeko eskatu dio, sindikatu eta patronalez gain bere esku baitago hazkuntza sistema “bermatzailea”.
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.