ARGIA.eus

2020ko uztailaren 08a

Jaurlaritzako Hezkuntza Saila hurrengo ikasturterako murrizketak egiten ari da

  • "Ikastetxe publikoetako zuzendariek eta familiek argi dugu konfinamentuak sortutako beharrei erantzuteko baliabide berriak beharko direla ikastetxeetan datorren ikasturtean, eta hala eskatu diogu Hezkuntza sailari behin eta berriro azken hilabeteetan". Aldiz, Hezkuntza Sailak ikastetxeetara bidali duen hurrengo ikasturteko baliabide zerrendan murrizketak egin dituela salatu dute EHIGEk (gurasoen elkarteak) eta Heize-k (zuzendaritzen federazioak).

ARGIA @argia
2020ko ekainaren 29a

Baliabideak gehitzea "ezinbestekoa" dela argudiatu dute Euskal Herriko Ikasleen Gurasoen Elkarteak (EHIGE) eta Euskal Eskola Publikoaren Zuzendaritza Elkarteen Federazioak (Heize), "hezkuntza komunitateak eta Hezkuntza sailak berak identifikatu dituen gaiei" erantzuteko: digitalizazioa, euskara eta atentzio emozionala.

Ikastetxeetan hasi dira jasotzen hurrengo ikasturtean izango dituzten baliabideen berri, eta bi erakunde hauek adierazi dute Hezkuntza sailak "murrizketa nabariak" ezarri dituela: "Jantokiko arduradunen lanaldia erdira murriztu nahi du. Murriztu egin nahi dira egoera sozio ekonomiko baxuko ikastetxeentzako baliabideak. Ez dago baliabiderik IKT arduraduna eta aholkulariaren figura indartzeko. Ez dago baliabiderik ratioak jaisteko geletan".

Murrizketarik ez egiteko eskatu diote Hezkuntza sailari eta idatzi bat zabaldu dute EAEko ikastetxeetara, Ordezkaritza Organo Gorenetan (hauetan biltzen dira ikastetxeko eragile guztien ordezkariak) idatzi hori adostu dezaten.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Covid-19 shockean adi  |  Hezkuntza

Covid-19 shockean adi kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude