Jaurlaritzak "normaltasun" irudia eman nahi du, Espainiako gizonezkoen futbol selekzioak Euskal Herrian jokatu arren
“Soilik kirol gertakari gisa” izendatu nahi du Eusko Jaurlaritzako Kultura sailburu Bingen Zupiriak 2020ko Eurokopan Espainiako selekzioak Bilboko San Mames estadioan jokatzea.
“Espainiako selekzioaren jokamolde ona” izan da Bingen Zupiriarentzat Espainiako gizonezkoen futbol taldeak 2020ko Europako estatuen arteko txapelketaren San Mamesen jokatzearen motibo. Bilboko futbol zelaian jokatuko diren hiru partidetan “gauzak ongi egitea eta normaltasun irudia mundura proiektatzea” izango dira helburuak, Zupiriaren esanetan.
“2014an Bilboko Udalak, Bizkaiko Foru Aldundiak eta Eusko Jaurlaritzak aurkeztu genuen hautagaitza, eta Europako futbol erakundeak (UEFA) onartu zuen”, azaldu du, esanez “konpromisoa” beteko dutela. Ez dio garrantzirik eman Espainiako selekzioak Bilbon jokatzeari, eta behin hori gertatuko dela jakinda, esan du “norberak jakingo duela nola jaso gertaera hori”.
Beheko bideoan dago ikusgai Bingen Zupiriaren adierazpena (53:20tik aurrera):
Eurokopako futbol partida San Mamesen ez jokatzea erabaki du Espainiako Futbol Federazioak. San Mamesen jokatzeakoak ziren partidak Sevillako La Cartujan jokatuko dira.
Futbola, 22 lagunez osatutako kirola, pasio, inspirazio iturri edo “harmailak testosteronaz betetzeko aitzakia”, ikuspegiak bezain ugariak dira jarduerari esleitzen zaizkion definizioak. Baina bada onarpen maila zabala duen ideiarik ere: futbola gutxi batzuentzat... [+]
Larunbata apirilak 10, goizeko 11:00k, balizko Eurokoparen segurtasun-hesiaren eraikuntza lanak San Mames estadioaren atarian, eta horrekin aurrez aurre, Eurocopa Honi Ez! plataformaren materiala saltzen duen postu bat. Minutuak aurrera joan ahala, gazte taldeak biltzen hasi... [+]
UEFAk apirilaren hasieran erabakiko du Bilbo izango den Europako Futbol Txapelketa jasoko duen hirietako bat. Alegia, Espainiako selekzioak San Mamesen jokatuko ote duen. Horren aurrean, mobilizazio nazionala deitu du Eurocopa Honi Ez ekimenak, apirilaren 10ean Bilbon.
