Ertzaintza handitu eta 8.000 polizia nahi ditu Jaurlaritzak 2030erako
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko garrantzia" izango duela adierazi du Segurtasun sailburuak.
aurre egingo dieten hedabide independenteak
8.000 ertzainen kopurua Espainiako Gobernuak ezarri zuen Jaurlaritzarekin batera, duela 20 bat urte oraindik ETA indarrean zela. Egoera asko aldatu bada ere, orduan ezarritako ertzain kopuru horri heldu nahi diote. Europan biztanleko polizia kopuru handienetakoa duen lurraldea da Euskal Herria, eta neurri honek are gehiago handituko luke proportzioa.
Aurreko legegintzaldian, Josu Erkoreka Eusko Jaurlaritzako Segurtasun sailburu zela, protesta ugari egin zituzten hainbat ertzainek, besteak beste, euren lan baldintzak hobetzea eta Erkoreka kaleratzea exijitzeko. Jaurlaritzaren eta Ertzaintzaren arteko tentsioak nabarmen egin zuen gora, baina 2024ko apirilaz geroztik Segurtasun Sailaren buru Bingen Zupiria denetik, itxura du egoera baretzen ari dela pixkanaka-pixkanaka.
Martxoan ertzainei urteko soldata gutxienez 4.200 euro igotzea adostu zuten Lakuak eta ertzainen sindikatu nagusiek –ordezkaritza sindikalaren %83 duten ERNE, ESAN eta SIPEk–. Gobernu Kontseiluaren ostean asteartean eginiko prentsaurreko batean, berriz, Zupiriak iragarri du bigarren negoziazio mahaia irekiko duela Ertzaintzarekin 2030erako 8.000 agente izateko. ERNE, ESAN, SIPE eta EUSPEL sindikatuei erakutsiko die Ertzaintzako Enplegu Plan berria, Ertzaintzaren Kontseiluan.
Segurtasun Sailaren datuen arabera, 2024aren amaieran 7.278 ertzain zeuden Araba, Bizkaia eta Gipuzkoan. Zupiriak azaldu du Ertzaintzako Enplegu Plan berriak egungo ertzain kopurua areagotzeaz gain, hurrengo urteetan erretiroa hartzea aurreikusita duten agenteen –300 inguru– hutsuneak betetzea xede duela. Horretarako, Jaurlaritzak lan eskaintza publiko gehiago egin beharko dituela aurreratu du Segurtasun sailburuak. Hain zuzen, martxoan agenteen kopurua handitzeko deialdi erraldoi bat iragarri zuten Ertzaintzak eta Udaltzaingoak: Ertzaintzarako 473 postu eta 22 herritako udaltzaingoetarako 170 postu barne hartuko lituzke eskaintzak, Zupiriak adierazi zuenez "Polizia egungo gizarteak planteatzen dituen erronketara prestatzeko".
Arkauteko akademiaren papera
Jaurlaritzak gauzatu nahi duen "Ertzaintzaren egitura hobetze eta modernizatze" prozesu horretan, Arkautiko (Araba) akademiak "berebiziko garrantzia" izango duela adierazi du Segurtasun sailburuak: "Bai sartuko diren berrien prozesuetan, bai mailaz igotzeko eta espezializazioko prozesuetan ere". COVID-19ak eragindako pandemia zela eta galdu zen Arkautiren barnetegi formatua berreskuratu nahi du Jaurlaritzak, "konfiantza eta kohesioa" sortzeko.
Ertzaintzara batuko diren langile guztiak ez dira ertzainak izango, Zupiriak medikuentzako nahiz teknikarientzako lan eskaintzak egiteko aukera mahi gainean jarri baitu, Ertzaintzaren baitan lan jakin batzuk egin ahal izateko.
3.600 pertsona aurkeztu dira ertzain edo udaltzain izateko lan eskaintza publikoko deialdira, eta 2.800 hautagaiek ez dute proba psikosoziala edota atal teorikoa gainditu. Segurtasun sailburuak defendatu egin du Polizia izateko "exijentzia maila".
Eusko Jaurlaritzako Ogasuneko Kontrol Ekonomikoko Bulegoak barne txosten bat egin zuen Ertzaintzak jaso dituen 300 BMWen esleipen kontratuaren hainbat baldintza kritikatzeko. Ezarritako baldintzak zehatzegiak eta murriztaileegiak zirela salatu du ogasunak, eta horrek enpresa... [+]
Eusko Jaurlaritzako Segurtasun Sailaren arabera, hainbat pertsonen arteko borroka bat zela eta bertaratu dira larunbat gauean ertzainak Ordiziara (Gipuzkoa), eta liskarrak izan dira. Bi ertzain ospitaleratu dituzte: bat lepauztaia apurtuta eta masailean ukabilkada bat jasota;... [+]
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Xabier Lertxundi alkateak adierazi du istiluak leku eta ordu ezberdinetan gertatu direla, eta haien artean ea loturarik dagoen ikertzen ari dira. Udaltzaingoak laguntza eskatu dio Ertzaintzari 03:30 aldera, eta haiek oldartzean hainbat lagun zauritu dituzte. Segurtasun Sailak... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Urteroko oroimen eta sari banaketa ekitaldia egin du Ertzaintzak Arkautin, Eusko Jaurlaritzako agintarien parte hartzearekin. Duela bi urteko kronikatik aurtengora auziek edota gaiek berdintsuak izaten segitzen badute ere, nabarmena da begiratzeko moduak nola aldatu diren.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Ikerketa urtarrilean abiatu zuen Ertzaintzak, biktimetako batek Gizarte Segurantzan laguntza eskatu ostean. Nahiz eta egunero hamar ordu baino gehiagoz lan egin "ez zuen nahikoa baliabiderik, ezta jateko ere". Ondorioz, zuntz optikoa instalatzen zuen enpresa bateko burua... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Espainiako Estatu mailan, behera egin dute bai ezarritako babes-neurriek bai aurkeztutako eskaerek.