Jatorri atzerritarreko ikasleen eskolatzea orekatzeko bere proposamena aurkeztuko du Ikastolen Elkarteak

  • Ikasturtearen balorazio mamitsua egin du Ikastolen Elkarteak. Gai beroei heldu die, tartean Seaskak eta Nafarroako ikastolek bizi duten egoerari, EAErako Hezkuntza Lege polemikoari, hizkuntza ereduei edota premia bereziko ikasleen eskolatze ekitatiboari.

Mikel Garcia Idiakez @mikelgi
2018ko uztailaren 10a

Frantziako Gobernua erasokor ikastolen aurka. “Frantziako Gobernuak, Hezkuntza Ministerioaren eskutik, politika kolonialista eta suntsitzaile bortitz bati ekin dio hizkuntza gutxituen aurka, eta ikastolak politika horren eragina zuzenean jasaten ari dira. Matrikulazio igoeraren ondorioz Seaskako ikastolek behar dituzten 25 irakasle gehiago emateari uko egin dio, soilik 5,5 eskaini ditu Frantziako Gobernuak. Baina hori aski ez, eta kolegioko etapa amaitzerakoan egin beharra daukaten amaierako proban, brebetan, euskaraz egiteko aukera kentzeaz gain, euskaraz egin dituzten zientzietako probak ez zuzentzeko erabakia hartu du”.

Nafarroako ikastolen kontuak lupapean. “Nafarroako Kontuen Ganberak ikastolek jasotzen duten diru publikoaren gaineko bi azterketa egin ditu aurten, UPNk eta PSNk, alde batetik, eta Podemos taldeak, bestetik, egindako eskaeren ondotik. Lupapean eduki dizkigute Nafarroako ia ikastola guztien diru kontuak. Ikastolok, dena den, ez dugu ezer ezkutatzeko, eta Nafarroako Kontuen Ganberak halaxe baieztatu du egin dituen bi informeetan: ikastolok kontuak aratzak ditugu”. Orain, Navarra Confidencial hedabidearen eskariz, Nafarroako Ikastolen Elkartearen kontuak (eta euskalgintzako beste hainbat eragilerenak) arakatuko dituztela ere nabarmendu dute balorazioan: “Aldioro horrela ibili behar izateak erakusten digu Nafarroan badirela ikastolen aurka gogor jo nahi duten sektoreak”.

Hezkuntza Akordiorako proposamena eta Hezkuntza Legea. Ikastolen ustez, Hezkuntza Akordiorako proposamena onartzeko bidea mantso darama Eusko Jaurlaritzako Hezkuntza Sailak. “Egia da proposamenak gabeziak dituela eta ez duela hezkuntza eragile guztien onespena jaso. Onespena eman ez dutenen artean, halere, ikusten da proposamenari baino gehiago proposamena gauzatuz gero etorriko denaren, Hezkuntza Legearen, aurka daudelako hartu dutela jarrera hori”. Hezkuntza Lege berriak sare guztiak hartuko lituzke barnean, ez soilik titularitate publikoa duten ikastetxeak orain arte bezala, eta hori da eztabaida iturri nagusietakoa.

Euskara. Murgiltze eredua premiazkoa da. “Hezkuntza Akordiorako proposamenak biltzen du ikasleek, Lehen Hezkuntza amaitzerakoan, euskaran B1 maila lortu behar dutela, eta B2 maila Derrigorrezko Bigarren Hezkuntza amaitzerakoan. Helburu horiek oso urrun geratzen dira, ez dira lorgarri, A eta B ereduetan ikasten ari diren ikasleentzako, eta baita D ereduan ikasten ari diren askorentzako ere (…) Horregatik eskatzen diogu Eusko Jaurlaritzari determinazioz eta ausardiaz joka dezan eta Hezkuntza akordioan jaso dezan murgiltze eredua dela eraginkorrena oinarrizko printzipio bezala biltzen diren helburuak lortzeko, hizkuntza ereduak desagerraraziz”.

Atzerritar jatorria duten eta maila sozioekonomiko baxuko ikasleen eskolatzea. “Atzerritar jatorria duten ikasleen eskolatzean ikastetxeen artean dagoen desoreka handiaren eta horrek segregaziorako duen arriskuaren gaineko eztabaida ikasturte honetako hizpide nagusietakoa izan da Araba, Bizkaia eta Gipuzkoan (…) Egungo desorekaren arrazoi nagusia da Eusko Jaurlaritzak ikasle horien eskolatzea erabili duela ixteko arriskuan diren gelak betetzeko. Atzerriko jatorria duen ikasleria bereziki matrikulazio garaitik kanpo eskolatzen da. Matrikulazio garaitik kanpo datozen ikasleak ezin dira zuzenean matrikulatu ikastetxe baten edo bestean; Eusko Jaurlaritzak erabakitzen du non matrikulatuko diren, Eskolaratze Batzordeen bidez (Hezkuntza Saileko organo bat da, guztiz teknikoa). Eta ia beti, dagokion herrian arriskuan dagoen ikastetxera bideratzen du ikaslea. Horrek esplikatzen du hein batean zergatik ikastolak ez garen gure matrikulazio kopuruari legozkiokeen atzerritar jatorriko ikasleen zenbakietara iristen (…) Horregatik, Eskolatze Batzordeek ezin dute jarraitu teknikarien esku soilik. Hezkuntza eragileok ere egon behar dugu (…) Ikastola inklusiboa da, ez dio inori atea itxi bere jaioterriarengatik, sinesmenarengatik, elbarritasun batengatik, gaixotasunarengatik… denok desberdinak garelako, eta aniztasun horrek aberasten gaituelako”. Ikastolen Elkarteak aurreratu du gaia aztertu dutela eta proposamena aurkeztuko dutela datorren ikasturte hasieran.

Lanbide Heziketaren Lege berria. “Lanbide Heziketaren Lege berria onartu dute duela egun gutxi Eusko Legebiltzarrean. Lege horren edukiak arretaz aztertzen ari gara, baina aurreratu dezakeguna da, euskarari dagokionean, orain artekoaren berdina dela, eta lan mundua euskalduntzeko urrats bat atzera egitea dela, lehendik ere oso atzean egonik”.

Euskadiko Eskola Kontseiluaren Lege berria. “Duela egun gutxi onartu zen Eskola Kontseiluaren Lege berria, eta, berriro ere, ez gaituzte kidetzat onartu, nahiz eta oposizioko bi alderdik (EH Bilduk eta Podemos taldeak) ikastolok Kontseiluko kide izatea proposatu duten”.

.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Eskola segregazioa

Eskola segregazioa kanaletik interesatuko zaizu...
Okerrera doaz Eusko Jaurlaritzaren aurreikuspen ekonomikoak

Euskal Autonomi Erkidegoaren egoera ekonomikoa, Errendimenduaren gizartea saiakera eta eskola segregazioa aztergai aste honetako Lanaren Ekonomian. Berrikuntzekin dator ikasturtea BilboHiria eta Hordagoko elkarlanean.


2018-10-19 | Zebrabidea
'Hezkuntza salgai' dokumentala aurkeztuko dute urriaren 24an

Urriaren 24an, Steilas sindikatuak “Hezkuntza Salgai” dokumenatala aurkeztuko du. Segregazioa, aukera berdintasuna, ebaluazioa eta beste hainbat gai jorratu eta hezkuntza publikoak egun duen egoera aztertzen da, hainbat adituen iritziak jasota.


Jatorri atzerritarreko ikasleen segregazioa gainditzeko Ikastolen Elkartearen proposamena

Jatorri atzerritarra duten ikasleengan fokua jarrita, horien gehiengoa eskola publikoan kontzentratu ez dadin eskolatze batzordeetan hezkuntza eragile guztiek parte hartzea, hizkuntza ereduak desagertzea (eta murgiltze eredua ezartzea), harrera plan integralak egitea eta itunpeko ikastetxeetara baliabide gehiago bideratzea proposatu dute ikastolek, besteak beste.


Giza Eskubideen Batzordera eraman nahi dute eskola-segregazioaren gaia

Eskola-segregazioa hezkuntzatik harago gizarte osoa inplikatzen duen gaia dela eta giza-eskubideak urratzen direla sinetsita, Eusko Legebiltzarreko Giza Eskubideen Batzordean agerraldia eskatuko du Steilas sindikatuak.


Legebiltzarrean ez da hil eskola-segregazioaren eztabaida. Orain zer?

Eskola-segregazioa gainditzeko herritarrek aurkezturiko lege-proposamena Eusko Legebiltzarrean eztabaidatzeari ateak itxi dizkiote EAJ, PSE eta PPk, baina oraindik soka luzea ekarriko du gaiak. Plataforma herritarrak presio egiten jarraitzeko asmoa du, Ikastolen Elkarteak udazkenean aurkeztuko du bere proposamena gaiaren inguruan, eta ikusteko dago Jaurlaritzak aurrera atera nahi duen hezkuntza legean nola jorratuko duen eskola-segregazioa.


Eskola-segregazioaren eztabaida, legebiltzarrean tabu?

Ostegun honetan bozkatuko dute Eusko Legebiltzarreko alderdiek: eskola-segregazioari aurre egiteko 17.000 herritarren babesa lortu duen lege-proposamena (10.000 sinadura nahikoa dira egitasmoa aurkezteko) tramiterako onartu ala eztabaida atzera bota erabakiko dute. Jaurlaritzak aurreratu du tramitearen aurka bozkatuko duela, eta haserre daude proposamenaren bultzatzaileak: hori da herri-ekimen legegileek merezi duten harrera? Noiz arte atzeratu hezkuntza segregazioaren gaia? Beldurra al zaio... [+]


Eskola segregazioaren aurkako herri ekimen legegileari ezetz esan dio Jaurlaritzak

Herritarrek Eusko Legebiltzarrera eramandako lege proposamenak 17.000 sinadura lortu ditu (10.000 da aurkeztu ahal izateko gutxienekoa) eta alderdi politiko gehienen babesa du: eskola segregazioa gainditzeko zortzi neurri zehazten ditu ekimenak, baina berau tramitatzearen aurka agertu da Eusko Jaurlaritza, eta beraz ziurrenik ez du aurrera egingo. Jaurlaritzak arrazoitu du Hezkuntza Lege berrian helduko diotela gaiari.


Ghetto-ikastetxeen egunerokoa

Maila sozioekonomiko baxuko ikasleak ikastetxe jakinetan kontzentratzeko joera gero eta handiagoa da Euskal Herrian; datuek argi diote. Alegia, pobreak –horietako ugari ijitoak eta jatorri migratzailea dutenak– aparteko eskoletan pilatzen ditugula, horrek haientzat eta gainerakoentzat dituen ondorioekin. Zein da ikastetxe horietako errealitatea, zeintzuk eguneroko behar, aldarrikapen eta pozak?


2018-06-04 | Mikel Basabe
Segregazioa: ez du balio erru guztia Jaurlaritzari egotzi, eta norbera bertan goxo geratzeak

Berria-n agertu zen: Gasteizko eskoletan segregazioa dago. Euskaltzaindiaren definizioan, Gasteizen ikasleek bere arraza, egoera sozial, sexu edo erlijioagatik bereizkeria pairatzen dute.


Azkenak
EGILEA
Eguneraketa berriak daude