Jarauta kalean okupatutako etxebizitzen hustearen aurka azaldu dira Iruñeko dozenaka eragile
Aurreko igandean eman zuen Euskal Herriko Etxebizitza Sindikatu Sozialistak Jarauta kaleko etxebizitza bloke sozialistaren berri. Bost egunez sarbide-kontrol poliziala mantendu ostean, iragan ostegunean hustu zuen Iruñeko Udalak. Nafarroako eta Iruñerriko dozenaka eragile zein kolektiboren babesa jaso du manifestuak.
Etxebizitza Bloke Sozialistan gertatutakoaren harira, babes manifestu bat aurkeztu du ostiralean Iruñerriko Etxebizitza Sindikatuak. Azken eguneko gertakariak eta eskubide urraketak azaldu, erantzule politikoak seinalatu eta etxebizitzarako sarbide unibertsala aldarrikatu dituzte argitaratutako idatzian.
“Legez kontrako hustea” izan dela dio manifestuak, bertako bizilagunei “defentsa juridikorako aukerarik eman gabe”. Askotariko jendea zegoen barruan: aurretik etxegabetuak izan diren familiak adingabeekin, genero indarkeriaren biktima diren bi emakumeren familiak, emantzipatu ezinik dauden gazteak eta alokairua ordaintzeko adinako soldatarik ez duten pertsonak, besteak beste. Oinarrizko hainbat eskubide urratu dizkietela salatu dute: “Etxebizitzaren bortxaezintasuna eta pertsonen zirkulazio askerako eskubidea”.
“Iruñeko Udaltzaingoa, Pamplona Centro Histórico-Iruñea Biziberritzen eta Izaskun Zozaya Hirigintza eta Etxebizitza zinegotzia” salatu dituzte sinatzaileek ekintza horien arduradun politiko gisara. “Setioa ezartzearen erantzule” egin dituzte, eta legeak ezarritako bideei jarraitu beharrean, bizilagunak beren etxebizitzak uztera behartu dituztela seinalatu.
Babes zabala
Nafarroako eta Iruñerriko hainbat kolektiboren babesa jaso du jada Iruñerriko Etxebizitza Sindikatuak: Iruñeko CNT, Nafarroako CGT, Nafarroako ESK, Nafarroako Salhaketa, Haritu Elkarlaguntza Sarea, Hipotekak Kaltetutakoen Berriozarko Plataforma, Zabaldi, Martes al Sol, Nafarroako SOS Arrazakeria eta Sanduzelai Sare Sozialarena, hala nola.
Jarautako hainbat tabernak eta lokalek ere eman dute euren atxikimendua: Katu, Viana, Zulo, Aitzina, Oreja, Gallego, Giroa, Askartza eta Matalazek, hain zuzen ere.
CaixaBank Researchek egindako ikerketak agerian eman du Nafarroako etxebizitza merkatuaren egoera. 2007-2008 arteko higiezinen burbuilaren garaian baino %3,7 garestiagoa dira etxebizitza eraiki berriak Nafarroan.
Joan den astean jakinarazi zuten Basque Culinary Centerren GOe eraikina urriaren 20an inauguratuko dutela, eta horren harira, Kaleratzeak Stop plataformak idatzi bat helarazi du komunikabideetara. Bertan, gaitzetsi egin du Basque Culinary Centerreko eraikin berria 20 hilabetetan... [+]
Maximo historiko berri bat ezarri du Donostiako etxebizitzaren prezioak: 5.869 euro metro koadroko, batez beste. Hori da Higiezinen Jabetzako Artekarien Gipuzkoako Elkargo Ofizialak aurkeztu berri duen txosteneko ondorioetako bat; txostenak 2025eko bigarren hiruhilekoko... [+]
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]