Itxaron zerrendak handitu egin dira Osasunbidean, CGTk ohartarazi duenez
Osasunbideako itxaron zerrendetan, abuztuko datuak uztailekoak baino okerragoak direla, espezialitateen lehen kontsulta egiteko epea luzatu dela eta Nafarroako Gobernuak egoera hau normalizatu nahi duela salatu dute CGT sindikatuko kideek.
2019an itxaron zerrendetarako plan integral bat iragartzetik 2022an itxaronaldi kirugikoa onargarria dela adieraztera pasa da Nafarroako Gobernua, CGTko Ruben Oneca eta Mikel Saralegik Ahotsa.info-k argitaratutako idatzi batean adierazi dutenez. Itxaron zerrendetako kopuruak gora jarraitzen duela eta osasungintzan bizi duten errealitatearen arrazoia aurreikuspen eta inbertsio falta dela gehitu dute. Baina Maria Chivite presidenteak “pandemiaren komodina” aipatzen duela diote, “arazo honek sustraiak aspaldian ez balitu bezala”.
“Lotsagabeki sare pribatua finantzatzen jarraitzen dugu”
Administraziotik sare pribatuari ematen zaion “tratu eskuzabalak” sektore pribatua indartzen eta publikoa kaltetzen duela ere nabarmendu dute Oneca eta Saralegik. “Medikuntzako profesionalen falta etengabe aipatzen den bitartean, lotsagabeki sare pribatua finantzatzen jarraitzen dugu eta sektore pribatuak gero eta mediku gehiago harrapatzen du”.
Dirua arlo pribatura bideratu beharrean, osasun publikoan inbertitzeko deia egin dute, “ditugun osasun-azpiegituren errendimendua optimizatzeko: ebakuntza-gelak, kontsultak, proba diagnostikoak”.
2021eko Memoria aurkeztu dute
Nafarroako Gobernuak, bere aldetik, Osasunbideari lotutako 2021eko Memoria aurkeztu du eta bestelako irakurketa egin du: iaz “ohiko aktibitatearen zati handi bat berreskuratu” zuela dio Memoriak, “nahiz eta pandemiaren eragina presente egon oraindik”. Zortzi milioi artatze baino gehiago egin zituen iaz Nafarroako osasungintza publikoak.
Datuak pandemia aurreko kopuruetara gerturatzen direla dio Gobernuak, eta joerak “berreskuratze garbia” erakusten duela. Artatzeez gain, ospitaleratzeek ere gora egin zuten 2021ean, aurreko urtearekin alderatuta.
“2021. urtea, 2020a bezalatsu, oso konplikatua izan zen osasungintzaren ikuspegitik. Covid-19ari lotutako olatuek sektorea bere osotasunean kaltetzen jarraitu zuten, bai lehen arreta, bai arreta espezializatua”, azpimarratu du Memoriak.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Astelehenean abiatu da sindikatuak deitutako greba eta apirilaren 6 arte luzatuko da. Lan-gainkarga salatu eta baldintzak hobetzeko eskatu dute, baita mediku egoiliarrei karrera profesionala aitortzea ere.
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Jendez lepo egoten direnez larrialdiak, lau ordu inguruko itxaronaldiak daude “larrialdi gutxiko” egoeretan.
Urtarriletik hona ia 13.500 pertsonek egin dute proba Nafarroan, eta proba egin dutenen %95ak etxean egin du.
Bilbon, Donostian eta Gasteizen egingo dituzte mobilizazioak osasungintza publikoaren aldeko herri plataformek. Salatu dute itxaron zerrendak murrizteko jendea klinika pribatuetara bideratzea “negozio biribila” dela gobernuentzat, pribatizazioa bultzatzen ari... [+]
Horixe da Javier Remirez Nafarroako Gobernuko lehendakariorde eta Funtzio Publikoko kontseilariak iragarri duena, LABek eta Ustelkeriaren Aurkako eta Jardunbide Egokien Bulegoak egindako salaketen ondoren.