Israelen eta Hezbollahren eraso-trukea, 2006tik inoiz ikusi ez bezala
Larunbatetik iganderako gauean, Israelgo armadak gutxienez ehun hegazkin erabili zituen Libano hegoaldea bonbardatzeko. Israelen arabera "prebentziozko erasoa" izan zen, antza, Hezbollah Israel erasotzera zihoala zioen "informazioa" zutelako.
Uztailaren 30ean, Hezbollah talde militar xiitako komandante Fuad Shukr hil zuen Israelek bonbardaketa batzuen eraginez. Horri "erantzuna" emango ziola hitzeman zuen Hezbollahk, eta Israelek esan "zain" egongo zela.
Bada, Israelgo Gobernuak adierazi eta Mendebaldeko hedabideek jaso dutenaren arabera, larunbatetik iganderako goizaldean Israelgo inteligentzia zerbitzuek "abisua" jaso zuten Hezbollahk erasoari ekingo ziola. Beraz, Israelen esanetan, "prebentziozko erasoa" izan da beraiena. Gutxienez Libanoko hiru zibil hil ditu Israelek eraso horietan.
Hezbollahk gerora esan du 320 kohete eta drone jaurti dituela Israelgo hamar bat postu militarren aurka, eta "hasteko modu bat" baino ez dela, nolabait ere iradokiz mendekua eta eraso bortitzagoak etorriko direla Shukr komandantea hiltzeagatik. Hamasek, bere aldetik, Hezbollah zoriondu du Israelen aurkako "eraso indartsuagatik". Honela adierazi du ohar bidez: "Erakunde sionista sakon kolpatu du Hezbollahren erasoak. Zaplazteko bat izan da gobernu (israeldar) faxistari, eta mezu bat, zera esanez, bere terrorismoa eta herri palestinar eta libanoarraren aurkako krimenak ez direla erantzunik gabe geratuko".
Itxura guztien arabera, lehen erasoaldi horri aurre hartu ahal izan dio Israelek, baina Hezbollahren beldur, larrialdi egoera ezarri du Israelgo Gobernuak. "Min egiten digunari, min handiagoa egingo diogu", esan du Benjamin Netanyahu Israelgo lehen ministroak.
2006az geroztik, Libanoren eta Israelen artean ez da horrelako erasoaldi-truke bortitzik jazo. Orduko hartan, mila libanoar baino gehiago hil zituen Israelek.
Su-etenerako negoziazioak, ezerezean
Kairon (Egipto) egon dira batzartuta Hamaseko eta Israeleko ordezkariak azken egunotan, Egiptoren eta Qatarren bitartekaritzarekin, baina hanka egin dute handik igandean, akordiorik itxi gabe. Uztailaren 2an erdi-adostutakoari forma emateko eskatu zion Hamasek Israeli, alegia, su-eten iraunkorra, Israelgo tropek Gazako Zerrenda uztea, preso-trukea eta palestinar desplazatuei haien etxeetara itzulera bermatzea, suntsitutako inguruneak berreraikitzen laguntzeko konpromisoa hartuta. Horixe zen, hein batean, AEBen proposamena eta NBEko Segurtasun Kontseiluaren ebazpenak jasotzen zuena.
Netanyahuk ez du halakorik onartu nahi, momentuz bederen. Are gutxiago Hezbollahren aurrean duen jarrera ikusita. Hezbollahrekin asteburuan izandako erasoaldi-trukeak eragina izan du su-etenaren negoziaketa horietan. AEBek soilik esan dute "positiboa" izan dela; bi alde protagonistek, baina, ez dute hitzik egin. Antza, Gazako Zerrendatik ez, baina litekeena da Filadelfiako Korridoretik armadaren presentzia gutxitzea Israelek; horixe esan du, besteak beste, NBC telebista estatubatuarrak.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]