Milaka palestinar ihesi doaz Jeningo kanpalekutik, Israelen eraso militar handiaren ondorioz
Zisjordanian azken 20 urteetan egindako eraso militarrik handiena egin du Israelgo Armadak, airez eta lurrez, Jeningo errefuxiatu kanpalekuan. Gutxienez hamar palestinar hil eta hamarnaka zauritu dituzte, Israelen arabera “talde terrorista baten” aurkako erasoan. Jenin gerra eremu bilakatu dutela salatu dute palestinarrek.
aurre egingo dieten hedabide independenteak
2000ko Bigarren Intifadaz geroztik errepikatu ez den tamainako operazio militarra abiatu du Israelek Zisjordaniako eremu okupatuan, Jenin hirian, hain zuzen. Hiriko errefuxiatu kanpalekuan egin dute eraso astelehenean, eta gutxienez hamar palestinar hil eta 100 zauritu dituzte –horietatik 20 larri–, Palestinako Osasun Ministerioak zehaztu duenez, The Guardianen arabera. Israelen erasoetatik ihesi joan dira kanpalekutik gutxienez 3.000 palestinar, eta gehiago izango direla aurreikusi du Kamal Abu al-Roub Jeningo gobernu ordezkariak; horren esanetan, eskolak eta aterpeak prestatzen ari dira eurentzat.
Drone bidezko erasoak egin dituzte, eta tiroketek luze iraun dute. Mila soldadu baino gehiagoko eta ehunka tropako operazio militarra izan dela jakinarazi dute Israelgo Defentsa Indarrek. Israelen esanetan, operazioa “hiriko eta Jeningo errefuxiatu kanpalekuko terrorismoaren” aurka egiteko izan da.
Operazioa gerra krimena izan dela salatu dute palestinarrek, eta Jihad Islamikoak ohartarazi du “aurre egiteko” prest daudela, eta “sendotasunaren ikur” izango dela Jenin berriro ere. Palestinako paramediko Khaled Alahmad-ek The Guardiani azaldu dionez, Jeningo errefuxiatu kanpalekuko egoera “benetako gerra da”: “Kanpalekua xede duten aire bideko erasoak ari dira erortzen. Bost-zazpi anbulantziarekin joaten gara, eta bidaia bakoitzean zaurituz beteta itzultzen gara”.
Kanpalekua 1950eko hamarkadan egin zuten, eta egun 18.000 palestinar inguru bizi dira. Jeningo kanpalekua palestinarren erresistentzia armatuarekin lotu izan da urteetan, Israelek “terrorismo” gisa izendatu ohi duena.
“Israelen terrorismoa” salatuko dute Bilbon
Asteazkenerako mobilizaziora deitu du Euskal Herriko BDZ (Israeli boikot, desinbertsioak eta zigorrak) taldeak, 19:30ean Bilboko Areatzan. Stop sarraskia Palestinan leloa izango du protestak, eta Israel “estatu terrorista” dela salatuko dute.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]