Iruñeko Udalean, agiri bat euskaraz izateko urte eta erdi

  • Irakurleren batek helbide fiskala aldatzeko agiria euskaraz nahi badu, lasai egon bedi: Iruñeko Udala horretan ari da.


2017ko maiatzaren 17an - 11:40

Iruñeko Udalean, helbide fiskala aldatzeko agiria sortzen du erroldako programa informatikoak: Bi lerroko agiria da.

2015ean egin zen lehenbiziko eskaera, Iruñeko Udaleko Erregistroan, agiri hori euskaraz ere eman zedin, eta 2015eko abuztuan Udalak erantzun zuen baietz, euskaraz ere eman behar zela, eta horretan ari zela, baina egokitzapen informatiko batzuk egin behar zirela.

Baina 2017an egoerak bere horretan dirau. Hala, Arartekoak 2017ko otsailaren 13an gogorarazi zion herritarrek eskubidea dutela Administrazioei euskaraz egiteko eta erantzuna ere euskaraz jasotzeko, baina Iruñeko Udalak, berriz ere, erantzun zuen "horretan ari zela".

Gai honetan aipatzekoa da Nafarroako Administrazio Auzitegiak izan duen jokabidea. Nafarroako Administrazio Auzitegia Nafarroak duen erakunde berezia da, doakoa, herritarrek kexak bidera ditzaten udalen kontra, uste baldin badute ez dutela Legea betetzen. Nolabait, "udaletarako ararteko" bat da, baina desberdintasun handi batekin: Epaiak nahitaez bete beharrekoak dira, Arartekoarekin ez bezala. Bada, gai honetan ere kexa jarri zen Nafarroako Administrazio Auzitegian, baina 2015eko abuztuaren 7an Iruñeko Udalak eskaera onartu eta "horretan ari zela" erantzun zuenez, Nafarroako Administrazio Auzitegiak bukatutzat eman zuen afera, iritzirik eman gabe. Eta gaur egun Nafarroako Administrazio Auzitegiak ez du Iruñeko Udala behartu nahi bere hitza betetzera, "horretan ari zela" erantzun zuelako, eta gaia bukatutzat ematen duelako.

Beraz, Nafarroako udalek badakite zer egin behar duten Nafarroako Administrazio Auzitegiaren aurrean: Kexen aurrean baietz erantzun, "horretan ari direla", eta beren hitza sekula ez bete.

Eta irakurleren batek helbide fiskala aldatzeko agiria euskaraz nahi badu, lasai egon bedi: Iruñeko Udala horretan ari da.

Jatorrizko artikuluak Sustatuk argitaratu du eta Creative Commons lizentziari esker argitaratu dugu.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Irakurrienak
Matomo erabiliz
Azoka
Kanal honetatik interesatuko zaizu: Iritzia
Materialismo histerikoa
Erabakimena

Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]


2024-04-21 | Ula Iruretagoiena
Lurraldea eta arkitektura
Eraikinaren gorputza

Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]


2024-04-21 | Diana Franco
Teknologia
Indarkeriatik deskonektatu

Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.

Eremu... [+]


Etxebizitza arazoa eta lan-mundua

Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.

Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]


Eguneraketa berriak daude