Iruñeko Hizkuntza Eskolako zuzendaritzako lau kidek elkartasuna adierazi diote Imanol Haranbururi
ETAko kide izatearren preso egoteagatik Nafarroako gobernuak izendapena atzera botatzearen aurka agertu dira. Haranburu euskarako irakasle titularra zen, eta Hizkuntza Eskolen zuzendaritzako kide izendatu zuen Nafarroako Hezkuntza Departamenduak.
Komunikatua Patxi Telletxea, Josune Aranburu, Yolanda López eta Maite Casero zuzendaritzako kideek izenpetuta dago. Bertan azaltzen dute Haranbururekin lanean aritu direla zenbait urtez, eta “harro” esan dezaketela “bikaintasunez” lan egiten duen funtzionarioa dela. “Ez du merezi azken egunotan bizi izan duen nahasmen politikoa”, gaineratu dute. Zuzendaritzako lau kideek gogoratu dute Hezkuntza sailean parte izateko deitu zutela Haranburu, eta ez zuela bere burua aurkeztu.
Barikuan, Haranbururen izendapena Nafarroako Buletin Ofizialean agertu ostean, Nafarroako Gobernuak atzera egin zuen UPNk erabakia salatu ostean. “Erabaki honek ez du inolaz ere zalantzan jartzen herritar baten eskubideak, behin gizartearekin dituen zorrak ordainduta. Hala ere, egoerak galarazi egiten du kargu horretarako konfiantza ematea”, adierazi zuten gobernutik.
Lau sinatzaileek azpimarratu dute ez dietela galdetzen funtzionarioei euren iraganaz. “Funtzionarioen egoera zibil, sinesmen zein lehentasun politiko edo ideologikoak kontua izan gabe elkarrekin lan egingo dugu ahalik eta hezkuntza zerbitzu onena eskaintzeko gizarteari”, azaldu dute, “hori da Imanolekin egiten genuena, eta egingo duguna. Badakizu Imanol besoak zabalik hartuko zaitugula”.
Jarraipen Batzordearen “premiazko” batzarra
Izendapena atzera botatzea “akats larritzat” jo zuen EH Bilduk. “Gobernuak UPNren presioei men egitea onartezina da”, adierazi zuen koalizioak. Barikuan bertan, erabakia kritikatu, eta gobernuaren jarraipen batzordearen “premiazko” batzarra eskatu zien akordio programatikoaren sinatzaileei (Ahal Dugu, EH Bildu, Ezkerra eta Geroa Bai).
Nafarroako Gobernuaren erabakiak zalaparta handia sortu du Nafarroan. Santi Leone Iruñeko Hizkuntza Eskolako irakasleak Zuzeu-n salatu du gobernuak apenas itxaron duela “betikoen” presioen aurrean izendapena atzera botatzeko.
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Joxe Lacalle Huarte da horietako bat, 1978an Guerrilleros de Cristo Rey taldeak bere tabernan egindako eraso baten biktima izan zen; 1979an lehergailu bat jarri zioten tabernan eta 1981ean Guardia Zibilak torturatu egin zuen. Gainerako bostak Espainiako Poliziak torturatu... [+]
Nafarroako Torturatuen Sareak eta Egiari Zor elkarteak ostegunean jakinarazi dutenez, Nafarroako Gobernuak “giza eskubideen urraketaren biktima” modura aitortu ditu sei herritar, 16/2019 Foru Legearen babesean.
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
Palestinaren askatasunaren aldeko eta genozidio eta okupazioaren kontrako Nafarroako plataforma izan da hautagai bozkatuena.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Dagoeneko Guardia Zibilek eta zenbait herritako udaltzaingoek badute taser pistolak erabiltzeko eskumena Nafarroan, eta badirudi bide horretan hurrengoa Foruzaingoa izango dela: Nafarroako Kontseiluak Foruzaingoak taser pistolak eman ahal izatea "indarrean dagoen... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Telefonicak intzidentzia bat izan du eta horrek sare finkoan eragin du. Ondorioz, EAEko Larrialdiei Kudeatzeko Zentroa kaltetu da. Hala ere, arazoa konpondu dela ezagutarazi dute eta 112 larrialdietako telefonoa martxan dago berriro. Nafarroan ere eragina izan du, baina... [+]
José María Agramontek agerraldia egin du asteartean Nafarroako Parlamentuan, UPN eta Contigo-Zurekin alderdiek eskatuta. Bardeako Komunitatearen Batzarreko lehendakariak nabarmendu du Espainiako Defentsa Ministerioa ingurumenarekin egiten ari den "esfortzua"... [+]