Iruñeko Ziudadela hondarrez betetzen hasi dira Hipika Sarirako
Irailaren 2tik 12ra egingo den Iruñeko Hipika Saria Nafarroako hipikaren historian inoiz antolatu den ekitaldirik jendetsuena izango dela iragarri dute.
Ziudadelan izango da ekitaldia, Iturramako sarbidearen ondoan. Horretarako gunea prestatzen hasi dira egunotan, lurra hondarrez estaliz. Ekitaldiak hiriburura 2.000 lagun erakarriko dituela aurreikusi du udalak, eta sariak Espainiako estatuko hipikako zirkuituan garrantzia izango duela azpimarratu du. Horrela, hipikak Iruñean izan duen tradizioa berreskuratu nahi dute, eta hiriko ondare “turistiko eta kulturala” hedatu.
200.000 euroko aurrekontua dute antolatzaileek, eta horietatik 35.000 jarriko ditu Iruñeko udalak. Geratzen den dirua nork jarriko duen, ordea, ez du esan nahi izan Enrique Maya alkateak. Herritarren artean eta udaleko oposizioan zalantzak sortu ditu asmoak. EH Bilduk sariari buruzko informazioa ezkutatzea egotzi dio udal gobernuari, egindako galderei erantzun ez edo epez kanpo erantzuten diela esanez.
Koalizioak azpimarratu duenez, «berdeguneak dituen espazio publiko batean eta Iruñeko harresiak bezalako kultura-ondare babestua protagonista duen esparru batean horrelako kirol-ekitaldi handi bat antolatzeko, Lorategi Zerbitzuaren aldeko txostena behar da, gutxienez, eta Vianako Printzea Erakundeari aldez aurretik kontsulta egin behar zaio harresitutako multzoan izan dezakeen eraginari buruz».
Euskalerria Irratiak jaso duenez, Iruñeko Udaleko Hirigintza zinegotzia Nafarroako hipika Federazioko kidea da, eta UPNko zinegotzi ohi eta parlamentari ohi bat, Amaia Otamendi, arduratzen ari da proiektuaz.
Asteazkenean informazioa ezkutatzen ari dela ukatu zuen Mayak EH Bilduren salaketari erantzunez, baina ez zuen sariaren babesleen inguruko informaziorik eman: “Hasieratik daki jende guztiak hipika lehiaketa hori egingo dela”.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Hainbat lagun errepidera atera dira Palestinako banderak eta Gazako genozidioaren aurkako mezuak eskuan, eta Israelgo taldeko txirrindularien taldekako asteazkeneko erlojupekoa oztopatu dute. Etaparen ondoren argitaratutako ohar batean, taldeak manifestarien "ekintza... [+]
Abuztuaren 9an errekor berria ezarri zuen Estefi Etxebestek (Ituren, Nafarroa, 2002) Sunbillako Ramon Latasa pilotalekuan. 100 kiloko harria 59 aldiz goratu zuen, eta 2014an Idoia Etxeberriak ezarritako 56 altxaldiak gailendu.
Wallball txapelketa abuztuaren 27tik 30era jokatuko dute. Euskal Herritik aparte Argentina, Belgika, Erresuma Batua, Valentzia, Herbehereak eta Puerto Rico herrialdeek hartuko dute parte.
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Semea futbol talde batean jolasten da eta, kurtso amaieran jokatutako hamaika torneoren artean, Athletic Cup-era gonbidatu dute bere ekipoa aurten. Txapelketak laurehun talde eta 5.000 futbolari inguru batu ditu; haur eta nerabe, senideak eta lagunak kontatu gabe. Itzelezko... [+]
Motorrez gainezka dago Iñaki Mujikak Altsasun duen tailerra. Ilaran daude denak, baina bada barreneko gelaxka batean aparte gordetako bat. Mujikak beretzat egokitu nahi duen motorra da. 2021ean igo zen azkenekoz motor gainera; istripu larria izan zuen moto-kros zirkuitu... [+]
Gasteizko eskolako futbol partida batean guraso batek irainak bota, mehatxatu eta pertsona bati eraso egiten saiatu zen adin txikikoen aurrean. Arabako Foru Aldundiak kudeatzen duen mota horretako bigarren salaketa da.
1925. urtea izango balitz, akaso emakume erraketistak izango lirateke Zeruko Argiako aktualitate orrialdeetako protagonistak. Agian haien kirolari merituak goraipatzeko, agian feminitate arauak desobeditzeagatik seinalatzeko. Nire buruari agindu diot haien izenak memorizatzeko... [+]
1917tik 1980ra erraketalariak profesionalki aritu ziren munduko frontoi ezagunenetan. “Chiquita de Anoeta”, “Arane”, “Emili”, Albisu, “Amparito”, “Chiquita de Aizarna”, “Asteasu”... Hamaika pilotari... [+]
Javier Escudero Pascual (Iruñea, 1979) “poz-pozik” dago erretiroa hartuta nahi beste gauza egiteko astia duelako. Nafarroako Aspace kirol klubeko motordun aulkiko futbol taldeko jokalaria da. Duela urtebete sortu zuten taldea, eta hirugarren geratu dira... [+]