Emakumeak borrokan

Iruñeko Udalak eta EH Bilduk larunbat arratsaldeko istiluak gaitzetsi dituzte

  • Larunbat arratsean istilu larriak izan ziren Iruñeko Alde Zaharrean. Hainbat erakundek nazio mailako manifestazioa deitu zuten “Errepresioari autodefentsa” lelopean eta testuinguru horretan sortu ziren istiluak manifestari eta Espainiako Poliziaren artean.

Xabier Letona @xletona
2017ko martxoaren 13a
Txapitela kalea istiluen ondoren. (Arg.: X. Letona)

Lau gazte atxilotu zituzten istiluetan, Espainiako Poliziaren esanetan laurak Errenteriakoak. Adin gabea askatu dute eta beste hiruak espetxeratzeko agindua eman du epaileak, "desordena publikoak eta terrorismoa" leporatuta . Manifestazioa San Frantzisko plazatik abiatu zen 18:30ak aldera. Pozo Blanco kaletik Gazteluko plazara abiatu behar zuenean Espainiako Poliziarekin egin zuen topo eta istilu gogorrak izan ziren manifestazioko gazte eta polizien artean. Honako taldeek sinatu zuten manifestaziorako deialdia: Hirekin, Errotxapeako Gaztetxea, Alde Zaharreko gazteak, Indar Gorri, Amnistiaren Aldeko eta Errepresioaren aurkako Mugimendua eta Ikasle Abertzaleak.

Manifestazioaren hasiera Iruñeko San Frantzisko plazan. Arg.: (Topatu.info)

Hainbat edukiontzi bota zituzten gazteek, haien artean beira biltzekoak eta harri, botila, suziri eta bengalak jaurti zizkieten poliziei. San Nicolas, Mercaderes, Txapitelan, Navarrerian eta Xabierreko jaitsieran izan ziren istiluak batez ere. Kale horietako hainbat taberna eta denda itxi zituzten istiluek iraun zuten bitartean. Ikusle asko pilatu zen kaleetan, besteak beste smartphone eta kamerekin gertaerak grabatzen.

Iruñeko Udalak gogor kritikatu ditu gertaerak

Iruñeko Udalak gertaerak gaitzetsi ditu aho batez. Nafarroako Gobernua sostengatzen duten alderdiek ere bai, besteak beste EH Bilduk: “EH Bilduk modu irmoan gaitzesten du gaur arratsaldean Iruñeko kaleetan gertaturikoa. Halako gertaerek gizartearen gehiengoak aukeratutako bidea oztopatzea dute helburu, alegia, bakea, elkarbizitza eta normalizazio politikoa. EH Bilduk argi eta garbi berresten du bere konpromisoa bide demokratiko eta erabat baketsuekiko, herri subirano bat lortzeko bidean. Beraz, helburu politikoetarako indarkeriaren erabilpena guztiz gaitzesten dugu”.

Ernaik kaleratutako oharrean, “Iruñean 'Errepresioari autodefentsa' dinamikak burututako manifestazioko gertakarien harira, irmoki salatu nahi dugu beste behin ere poliziaren jarrera bortitza”. Amnistiaren aldeko eta Errepresioaren aurkako Mugimenduak elkartasuna adierazi zien atxilotuei eta haien askatasuna eskatu zuen. Azken boladan jasaten ari den errepresioaren aurkako kanpaina barrukoa zela atzoko manifestazioa eta harekin batera 17 hitzaldi eta beste bilkura bat ere egin direla azaldu du. EH Bildu gogor kritikatu du, hark gertaerez eman duen gaitzespenagatik eta Podemosi leporatu ohi dion bezala, hura ere "borrokarako grina leundu eta ardi beltzak instituzio faxisten artaldera bideratze aldera jaio zela”. Manifestazioaren antolatzaileek ere oharra kaleratu dute manifestazioaren balorazioa eginez: "Atzoko manifestazioa, errepresio formen eta kontrol sozialerako mekanismoen aurkakotasun adierazpen bat besterik ez da izan. Atzo bildu ginen pertsona guztiek, momentu batez behintzat, lege aparatageei eta haiekiko sumisioari uko egin genion".

Ahotsa.inforen bideoan ikus daitezke manifestazioaren hasiera eta istiluetako batzuk.

 

Ondorengo txioko bideoan ere ikus liteke hainbat unetan ikusle eta ibiltarien artean sortzen ziren korrikaldiak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Herri mugimenduak kanaletik interesatuko zaizu...
2019-04-24 | Amaia Fernández
Mikel Saénz De Buruaga
MULTIMEDIA - erreportajea

Mikel Saénz De Buruaga, Hala Bediko kazetariari telefono mugikorra apurtu eta 602 euroko isuna jarri zion Ertzaintzak. Gasteizko Errekaleor auzoan polizia-operarioaz informatzeagatik. Mozal legearen auziari irabazi dio Eusko Jaurlaritzari.


Hala Bedik Mozal Legearen auzia irabazi dio Eusko Jaurlaritzari

Mikel Saez Buruaga kazetariak Ertzaintzari eta Eusko Jaurlaritzaren segurtasun sailari irabazi die epaitegietan, Hala Bedik informatu duenez. Cristina Ruiz Oteiza epaileak Mozal Legea erabiliz jarri zioten isuna bertan behera eta eraginik gabe utzi du. Hala Bediko kazetariari telefono mugikorra apurtu eta 602 euroko isuna jarri zioten Errekaleor auzo autogestionatuan argindarra moztu nahian Ertzaintza egiten ari zen operazio baten berri ematen ari zela. Irrati libreko kideek epaitegietara jo... [+]


2019-04-24 | ARGIA
Extinction Rebellion
Klima aldaketaren aurkako protestek koska bat gora egin dute Londresen

1.000 lagun baino gehiago atxilotu ditu Erresuma Batuko poliziak azken zortzi egunetan Londresen aldaketa klimatikoaren kontra egin diren manifestazioetan. Extinction Rebellion mugimenduak deituriko ekintzek desobedientzia ekintzak izan dituzte ardatz.


Mugak zabaldu
MULTIMEDIA - bideo herrikoia

Europan hedatzen ari den neofaxismoari aurre egiteko ekimena da “Herrien besarkada”. Horren bidez, Europa “diskriminatzailearen” aurrean, etortzen direnei harrera egiteko, elkartasuna adierazteko eta babesa emateko beso zabalik daudela adierazi nahi dute, besarkada elementu sinboliko gisa erabiliz. Maiatzaren 5ean egingo dute ekimena.


2019-04-23 | Topatu.eus
Gazte Topagunea bukatuta, lehen balorazioa egin dute

Bulkada Berrien Garaia Da dinamika abiatu eta urte batera, borrokara belaunaldi berriak batu izana txalotu dute Aitzina eta Ernai gazte antolakundeek. Lemoan ikasi eta bizitako guztia herrietara eramateko deia egin du Izar Hernando bozeramaileak.


Bilboren 'B' aldea
Salgai dagoen hirian, gazteria ikusezin

Ikusezin zaigun izebergaren zatia azaleratzeari ekin dio Eragin Bilbo mugimenduak. Gazteen ikuspegitik, instituzioek ezarritako politikek sortzen dituzten albo-kalteen berri emateari, hain zuzen. Hiriburu bizkaitarra ardatz hartuta jendartean kontzientzia garatu nahi du Eraginek, Bilboren alde prekarioa ere postaletan ager dadin.


2019-04-21 | Amaia Lekunberri
Garazi Albizua. Sorkuntza bizibide
"Ni ez nengoen literaturan, beraz zein nintzen ni? Hutsune horrek tristetu ninduen"

Komikigintzan zein literaturan aritua da Garazi Albizua (Santurtzi, 1985). Nola egiten dute dortokek? (2015, Denonartean) eta Kemena (2018, Denonartean) lanen egilea dugu, eta egun Ahire Munduak zientzia fikziozko trilogian dihardu lanean. Honen lehen atala, Izadia (2018, Denonartean), kalean da dagoeneko. Idazketaz gain, tailer eta ikastaroak ere gidatzen ditu.


2019-04-17
Emakumeak arraunean
MULTIMEDIA - bideo herrikoia

Emakumeen arraunari buruz Ondarroako institutuko DBH3ko ikasleek osatutako bideoa.


Munduko preso politikoak kalera!

Beste urte batez, iritsi da apirilaren 17a, nazioarteko preso politikoen eguna eta gaurkoan, bereziki, Kurdistanera bidali nahi ditugu indar internazionalista guztiak, borroka eta konpromisoaren eredu diren ehunka gose grebalarik tinko baitarraite, egunak joan eta egunak etorri.  Leyla Guven parlamentari kurdua da horren adibiderik gordinena, 150 egun baitaramatza gose greban. Protestaren aldarria argia da: Abdula Ocalanen isolamendu egoera etetea eta herri kurduaren aurkako errepresioa... [+]


2019-04-16 | Hala Bedi
Barrikada egin dute Eginoko trenbidean "zanpatzen gaituenari herri gisa erantzuteko"

40 gurpil inguru erabili dituzte suzko barrikada egiteko eta trenen ibilbidea eteteko. Hala Bedi-ri helarazi dioten argazkian eta oharrean adierazi dutenez, herri antifaxista eraikitzeko inor ez bazterrean geratzeko deia egin dute.


Azkenak
EGILEA
Eguneraketa berriak daude