1990eko ekainaren 25ean Irunberriko Arroilan izan ziren eta egun 35-45 urte dituzten gasteiztarren bila ari dira, lekukotza jaso asmoz
1990ean, Irunberriko arroilan, Jon Lizarralde eta Susana Arregi ETAko militanteak hil ziren Guardia Zibilaren operazio baten erdian. Bertsio ofizialak esan arren beren buruaz beste egin zutela, besteak beste senide eta lagunek defendatzen dute atxilotu, torturatu eta exekutatu egin zituztela, horren adierazle Lizarraldek biriketan zuen ura. Sumarioaren arabera, egun horretan Irunberriko arroilan Gasteizko Udal Kirol Erakundeak antolatutako haur-txango bateko bi autobus zeuden eta Oñatiko Gure Bazterrak talde memorialista pertsona horien bila ari da, testigantzak jaso asmoz.
1990eko ekainaren 25ean, Irunberriko Arroilan ETAko hiru militante atxilotu zituen Guardia Zibilak, eta horietako bi hil egin ziren: Jon Lizarralde buruan tiro batekin eta Susana Arregi buruan bi tirorekin. Hirugarrenak –German Rubenachek– ere buruan tiro bat jaso zuen eta larri geratu zen, begi batetik itsu.
32 urte geroago, ikerketa etnografiko eta historikoan aritzen den Oñatiko Gure Bazterrak taldeak gertakariak ikertu nahi ditu Pako Aristi idazle eta kazetariarekin batera, Ahotsa.info eta Hala Bedik argitaratu dutenez.
1/1990 sumarioa eskuetan, jakin dute gertakarien egun hartan, Irunberriko arroilan Gasteizko haurrez beteta bi autobus zeudela, Gasteizko Udal Kirol Erakundeak antolatutako txango batera joanak. Kalkulatzen dute haur horiek, gaur egun, 35 eta 45 urte artean izan ditzaketela.
Gertatu zenari buruzko lekukotza berriak jasotzeko helburuz, laguntza eskatu dute txango horretan izan ziren edo egon ahal izan ziren pertsonak bilatzeko, baita gertakariei buruz beste ezer dakien inorena ere. Gure Bazterrak taldearekin harremanetan jartzeko jardunaldiak@hotmail.com helbide elektronikoa helarazi dute.
Irunberriko gertakariak, isiltasun ofizialaren pean argitu gabe
Hainbatetan aldatu behar izan zuen Espainiako Barne ministro José Luis Corcueraren bertsio ofizialak zioen ETAko militanteek beren buruaz beste egin zutela poliziaz inguratuta zeudela ikusi zutenean. Ikerketa judiziala amaitu gabe geratu zen, eta Guardia Zibilaren bertsioa zalantzan jartzen zuten zenbait gertakari argitu gabe utzi zituzten.
Ez zen sekula ikertu nork egin zien tiro Lizarralderi eta Arregiri, Auzitegi Nazionalak ukatu egin baitzuen Rubenach izan zela, fiskalak defendatzen zuen bezala. Ez zen azaldu, ezta ere, zergatik agertu zen Jon Lizarralderen biriketan Irati ibaiko ura, kontraesankorrak ziren lekukotzen zergatia, edo atxiloketak eragin zituen informazioaren jatorria.
Jon Lizarralde, Susana Arregi eta Germán Rubenach ETAko kideak ziren eta erakunde honek Guardia Zibilari egotzi zion hiru militanteak torturatu eta exekutatu izana.
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Jose Miguel Etxeberria Naparra-ren gorpua bilatzeko bigarren saiakera kontatzen duen dokumentala interneten ikusi daiteke asteazken honetatik aurrera. Igandean ekitaldia egingo dute, Batallon Vasco Españolek iruindarra duela 45 urte bahitu eta desagerrarazi zuela... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.
Egin egunkariko zuzendaritzako kide eta langilea Donibane Lohizunen erail bazuten ere, Algorta jaioterrian egin diote oroimen ekitaldia, igande eguerdian. Bertaratutako lagun zein senitartekoek presente izan dute estatuaren indarkeriak hil zuela.
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
La Cumbre Jauregia biktimen aitortzarako, erreparaziorako eta dibulgaziorako gune bilakatzeko proposamena egin dute memoriaren inguruan dabiltzan hainbat taldek eta Joxean Lasa eta Joxi Zabalaren senideek. Memoria Demokratikoaren Legearen arabera, eraikina Donostiako Udalaren... [+]
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
Altsasuko Iortia Kultur Guneko Areto Nagusiaren harmailak jendez beteta zeudela egin da asteazkenean Arg(h)itzen dokumentalaren estreinaldiko emanaldia. Torturak Sakanan utzi duen aztarnaren kontakizuna da film hau, eta egun aproposa aukeratu dute lehen aldiz publikoki... [+]
Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.