ARGIA.eus

2020ko abuztuaren 05a

Iruņa-Veleiaren auzia argitzeko eskatuz gose greba hasi dute Gasteizen

  • Ostegun eguerditik –uztailak 23– gose-greban sartuta dago euskaltzale talde bat Gasteizen, Iruña-Veleia auzia argitzeko eskatzeko. Iragarrita daukatenez, gose grebaren helburua da "[EAEn hauteskundeotatik atera den] legebiltzar berriak zientziaren bidea aurrera eramateko erabaki irmoa onartzea".

ARGIA @argia
2020ko uztailaren 24a
Gose grebalariak eta sostengatzera azaldutako pertsonak ekintzari hasiera ematen Gasteizen ostegun eguerdian. (Argazkia: Euskeraren Jatorria)

Euskeraren Jatorria elkarteak bere webean jakinarazi duenez, uztailaren 23an eguerdiko 12:00etan ekin dio euskaltzale talde batek gose grebari, Gasteizko Aiztogile kalearen 73.ean, "ostrakak 'bahituta' dauden lekutik oso hurbil dago, Bibat Museotik 100 bat metrotara".

Gose grebarekin beren agirian diotenez, Eusko Legebiltzar berriari eskatzen diote Iruña-Veleia auzia, auzitegiek uda aurretik Lurmen enpresaren arduradunen kondenarekin ebatzi zutena, bide zientifikotik bideratu dezala "datazioen eta kata kontrolatuen bidez eta horrez gain grafitoak babesteko eta ez suntsitzeko eskatzeko".

Grebalarien iritzian Iruña-Velaia auziaren epaiketa "benetan eskandaluzkoa izan da", aztarnategian aurkitutako materialen benetakotasunean sinesten dutenei bide guztiak itxia eta epaian IPCE-Instituto Patrimonio de Cultura Españolen analitikak –grebalarien ustez inolako berme zientifikorik gabeak– haintzat hartu direlako.

Grebalariek espreski aipatu dute auziaren protagonista nagusiak, Lurmeneko Eliseo Gilek, gose grebarekin bat egin ez izana eta bere eskaria eskuzabaltasun erakustekatzat goraipatu ostean, oroitarazten dute protesta ez dela bakarrik Eliseogatik: "Euskeragatik eta ondareagatik ere egiten dugu hau".

Grebaren hasierako ekitaldian beren babesa adieraztera azaldu dira Jose Antonio Villar, Pako Aristi, Nekane Jurado ekonomilaria, Arkaitz Estiballes, Josu Naberan idazlea, Guillermo Perea borrokalari eta Antton Erkizia eta grebalariek adierazi dute horiez gain atxikimendua helarazi dietela  Andoni Egaña, Jon Maia, Onintza Enbeita, Oihane Perea, Iñaki Viñaspre, Jose Angel Uberuagak eta beste hainbatek.

Auzian protagonismo nagusia eduki duten Lurmen enpresako Eliseo Gilek eta Idoia Filloyk gose grebarekiko beren desadostasuna agertu zuten prentsa-ohar batean bidez. Bestalde, SOS Iruña-Veleia eta Martin Ttipia elkarteek ere ekintza honekiko jarrera kritikoa azaldua dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iruņa-Veleia auzia  |  Gasteiz

Iruņa-Veleia auzia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude