18 urte pasa dira Iruña-Veleian egiten ari ziren indusketetan 400 grafito baino gehiago topatu zirenetik. Hortik aurrera ibilbide gorabeheratsua izan du han aurkitutakoaren egiazkotasuna aitortzen dutenen eta ez dutenen artean. Bada afera argitzea ere eskatzen duenik eta hain zuzen ere bide horretan Iruña-Veleia Martxan elkarteak laugarrengoz biltzarra egin du urriaren 26an Durangoko Landakon, Argitu, ez suntsitu izenburupean. Hainbat ponentzia egon ziren eta parte hartu zutenen artean Joseba Lizeaga dago. Biologian lizentziatua, Matematika irakasle lanetan aritu zen 30 urte baino gehiago. Estatistika, Informatika eta Matematikako Ikasketa Aurreratuetan Diplomaduna NUPen, Irrintzi Plazan elkarrizketatu dugu jardunaldiaren berri emateko.
