Irulegiko eskua, Osasuna futbol taldea eta Enrique Maia alkate ohia dira 2023ko peñen pankartetan gehien azaltzen diren edukiak.
Peñen 2023ko hamasei pankartak aurkeztu dituzte gaur goizean Kondestablearen Jauregian. Horrekin batera, Peñen Federazioaren 25. urteurrenaren karietara sorturiko pankarta berezia ere plazaratu dute. Pankartak larunbatean, uztailaren batarekin, ikusi ahal izanen dira, peñen egunaren ospakizunen karietara.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.
Sexu erasoak gaitzesteko elkarretaratzea deitu du Iruñerriko Mugimendu Feministak astelehenean 21:00etan Gaztelu Plazan. Cristina Ibarrola alkateak dio "sexu erasoak kenduta" festak lasaitasunez ospatzen ari direla.