Parisko Dei Auzitegiaren iritziz Espainiak euroagindua eskatzeko luzatutako informazioak ez ditu baztergarri egiten Sorzabalek salatutako torturak. Lehen aldiz ukatzen du euroagindu bat Parisek tortura kasuengatik.
Espainiako Auzitegi Nazionalak Iratxe Sorzabal euskal presoaren aurka jarritako laugarren euroagindua atzera bota du Parisko Dei Auzitegiak. Azaroaren egin zen euroagindua aztertzeko auzi saioa, eta prokuradoreak sinesgarritasuna eman die Sorzabalen testigantzari eta beronen defentsak aurkeztutako informeei; Sorzabalek salatu egin zituen Espainian egin zizkioten torturak.
Salatutako torturak aintzat hartuta erabaki du auzitegiak euroagindua atzera botatzea, torturak tarteko dituen kasu baten aurrean halakorik egiten duen lehen aldia izanik. Sorzabalen aurkako aurreko hiru euroagindu eskaeretan ere tortura salaketak egon dira mahai gainean, baina laugarren eskaerara arte, horiek ez dira aintzat hartu. Defentsa abokatuak maiz salatu du Sorzabalen adierazpenak torturapean eginak direla.
Asteazkenean erabaki du auzitegiak euroagindua atzera botatzea, iritzirik Espainiako Auzitegi Nazionalak emandako informazioak ez duela aurkezten elementurik Sorzabalek salatutako torturak gezurtatzeko.
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]