Irakeko protestetan ia 500 hildako eta 120 bahitu zenbatu ditu NBEk
2019ko urritik 2020ko martxoaren 21era 490 hildako, 7.793 zauritu eta 123 bahiketa egon direla salatu du NBEk. 2019ko urrian hasi ziren protestak Iraken, gobernuaren dimisioa, parlamentuaren desegitea eta sistema politikoaren erreforma helburu. Lehen ministro ohiaren dimisioaren ostean, Mustafa Al Kadhimi lehen ministro berriak polizia gehiegikeria aztertuko duela hitz eman du.
aurre egingo dieten hedabide independenteak
Urritik gora egin zuen tentsioak Iraken, abenduan orduko lehen ministroak, Adel Abdel-Mahdik, dimisioa eman zuen arte. Manifestazioei poliziaren errepresio bortitzak erantzuten zien, eta NBEk larunbatean kaleratutako txostenean, NBEk erantzukizunak eskatu dizkio Iraki.
Urte eta erdiko paralisi politikoaren ostean, Mustafa Al Kadhimi lehen ministro berriak polizia gehiegikeria kasuak aztertuko dituela adierazi du; baita manifestariekiko bortitzak izan ziren talde paramilitarrak ere. Horrez gain, kartzelaratuta dauden ekintzaileak askatuko dituela hitz eman du.
Luzaroko krisi politikoa
2003az geroztik, herrialdea geopolitikaren krisi betean izan da. AEBetako armadak herrialdea inbaditu eta Sadam Husseim (nazionalista arabea, panarabista eta sozialista arabea) kanporatu zuen, herriari “askatasuna” helaraztekotan.
2005era arte trantsizioko gobernua eratu zuten, non AEBetako indarrek agintzen zuten. Gerora, mendebaldeko potentzien interesak defendatzen zituzten gobernuak etorri ziren. Tentsioa hazi egin zen eta 2014tik 2017ra gerra zibila egon zen.
2019ko protestek pausu berri bat emanarazi zioten gobernuari, lehen ministroaren dimisioa bultzatu baitzuen. Dena den, inbasioaz geroztik AEBen laguntzarekin sortutako poliziaren indarkeria gehiegizkoa izan dela salatu du NBEk. Emandako datuak baino kasu gehiago izan direla uste dute Irakeko giza eskubideen aldeko taldeek; 550 hildako zenbatu ditu Irakeko Giza Eskubideen aldeko Goi Komisionatu Independenteak (IHCHR). 660 direla uste du Irakeko Gerra Krimenen Dokumentazioko Zentroak.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.