Irakasle bat labankadaz hil dute Donibane-Lohizunen
Asteazken goizean 50 urte inguruko irakasle bat hil dute Donibane-Lohizuneko Tomas Akinokoa lizeoan. Ustez, erasotzailea 16 urteko ikasle bat da, eta atxilo eraman dute.
50 urte inguruko irakasle bat hil dute asteazken goizean Donibane-Lohizuneko Tomas Akinokoa lizeoan. Goizeko 10:00ak aldera egin diote eraso labanaz, eta larrialdi zerbitzuek artatu dutenerako oso larri zegoen. Hala adierazi du Jerome Bourrier Baionako fiskalak. Lizeoan bertan artatu dute zauritutako irakaslea, baina ezin izan dute salbatu; zauriak eragindako bihotz-biriketako geldialdi baten ondorioz hil da.
Ustez 16 urteko ikasle bat da erasotzailea. Hedabideek emandako informazioaren arabera, motxilan labana zeraman, eta gelaraino sartu da harekin. Gaztelerazko klasea amaitzear zela irakasleari hurbildu eta labankada jo dio bularrezur inguruan. Naiz-ek jaso duenez, erasoa gauzatu ostean gainerako ikaskideak gelatik atera dira, eta ustez erasoa gauzatu duen ikaslea gertuko ikasgela batean sartu da. Irakasle bat hurbildu zaio eta labana ikasleari eskuetatik kentzea lortu du.Frantziako telebista kateek jasotako testigantzen arabera, erasoa gauzatu duen ikasleak ahots bat entzun duela adierazi du, eta hari kasu egin diola.
Ikaslea atxilo eraman dute eta Donibane-Lohizuneko polizia-etxean daukate. Medikuek azterketa egingo diote haren osasun egoera atxiloaldi batekin bateragarria den ondorioztatzeko. Bordeleko Polizia Judizialak gertatutakoaren gaineko ikerketa abiatu du.
Behetik gorako komunikazioetan ez da erraza mezuen garrantzia transmititzea eta makinaria politikoa aktibatzea. Askotan, gure mezuak "belarri batetik sartu eta bestetik atera" egiten direla sentitzen dugu. Beraz, gaurkoan, nazioarteko ikertzaile ospetsu batzuek... [+]
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]
Hastings (Ingalaterra), 1066. Gilen I.a Normandiako dukearen gudarosteak Harold II.a erregearen tropak mendean hartu zituen, eta tronua eskuratu zuen. Gilen I.a Konkistatzailea 1087 urtera bitartean izan zen errege.
Normandiarren konkistaren ondorengo erregealdi horretan,... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]