Irakaskuntzarako espazio irekiak aintzat hartzeko eskatu diote administrazioari
Pandemia garaian, kanpoko espazioak (bereziki naturguneak) irakaskuntzarako behingoz kontuan hartu eta horretarako baliabideak jar ditzala eskatu diote administrazio publikoari hezkuntza eragileek. Sinadura bilketa abiatu dute, “eskolak naturguneetara modu sistematizatuan hurbiltzeko erraztasunak” lortzea helburu.
“Deia egin nahi dugu eskolaz kanpoko espazioak ere kontutan hartu daitezen (naturguneak bereziki). Espazio hauek, ingurune seguruagoak direla erakusteaz gain, bateragarriak dira ikasleen garapen emozionalarekin, eta pertsonen arteko beharrezko harremanak errazten dituzte”, dio dokumentuak. Azken finean, munduko hainbat txokotan hasi dira ikastetxeak ahal den heinean kanpora ateratzeko ahaleginetan, eta Euskal Herrian ere bide horri heldu beharko geniokeela aldarrikatzen dute.
Herriko espazio publikoen mapa
Hernanin esaterako, herriko ikastetxeetatik gertu (oinez joateko moduan) dauden 24 espazio ireki identifikatu ditu Mikel Insaustik, “haurren hezkuntza modu seguruan eta maskararik gabe” bideratu ahal izateko: espazio horietako batzuk herrian bertan daude eta beste batzuk, naturalagoak, inguruko zelai eta basoetan. “Guztira 118.000 metro koadroko azalera hartzen dute”.
Zergatik ez egin horrelako mapak herriz herri, zergatik ez antolatu aire zabaleko espazioen mapa, irakaskuntza osasuntsuago baten alde?
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]