Ipar Euskal Herriko parlamentariek bilera eskatu diote Hezkuntza ministroari, azterketak euskaraz pasatzeko eskaeraz aritzeko
Ekainaren 16an bidalitako gutun bidez galdetu du hitzordua Frederique Espagnac senatariak, Ipar Euskal Herriko parlamentari guztien izenean. Seaskak oraingoz ez du inolako erantzunik jaso Frantziako Hezkuntza Ministerioaren partetik.
Ekainaren 16an Seaskako guraso, irakasle eta ikasleek osatzen duten Azterketak Euskaraz kolektiboko kideek beren lehen gaua pasa zuten Akademia Ikuskaritzak Baionan duen egoitzan, eta ordu batzuk lehenago pairatu behar izan zuten Frantziako Poliziaren indarkeria. Egun berean bidali zion gutuna Frederique Espagnac senatariak Frantziako Hezkuntza ministro Pap Ndiaye-i, hitzordu bat eskatuz. Ipar Euskal Herriko parlamentari guztien izenean idatzi dio gutuna.
Brebeta eta baxoa azterketak euskaraz egiteko eskubidearen aldeko borroka aspaldikoa da Seaskaren baitan. Azterketen garaia hor dutela, presioa areagotu du azken asteetan Azterketak Euskaraz kolektiboak. Ez dute oraindik erantzunik jaso, ez Parisetik, ezta ere Bordeleko errektoretzatik eta Pirinio Atlantikoetako Akademia Ikuskaritzatik.
Oraingoz, Euskal Hirigune Elkargoaren berme sinbolikoa
Brebeta euskaraz eginen dituzten ikasleen azterketak zuzentzeko egoitza publiko bat utziko dio Seaskari Euskal Hirigune Elkargoak, ikastoletako irakasleek azterketak bertatik zuzendu ditzaten. Euskaraz egindako azterketek ez dute balio akademikorik izanen, baina bai, ordea, sinbolikoa. Lekuko instituzioaren babesa ukanik, ekainaren 15ean hasitako okupazioari bukaera eman zioten lau egunen buruan.
Brebeta ekainaren 30ean eta uztailaren 1ean eginen dute ikasleek, eta zuzenketetarako egoitza uztailaren 5ean izanen dute irakasleek.
Baionako Estitxu Robles kolegioko 22 ikasle eta lau irakasle asteartean abiatu dira Bordeletik Baionara: 200 kilometro bizikletaz, larunbatean Lapurdiko hiriburuan egingo den manifestaziora iristea helburu. Azterketak euskaraz mugimenduaren borroka luzeak lortu du Brebeta... [+]
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
116.000 euro biltzea du helburu elkarteak, elbarritasun egoeran diren haurrei hezkuntza ikastolaren barruan eta beste umeen artean bideratu ahal izateko. Gaur egun Seaskan orotara 158 haur daude inklusio programan sartuta .
Zientzietako azterketa euskaraz egiteko aukera onartu dute. Seaskako 270 ikaslek egingo dute azterketa ekainaren 26 eta 27an. Baxoa euskaraz egitearen inguruan ez dago berririk, eta Seaskak borrokan jarraitzeko deia egin du.
Azaroan lortu zuen Seaskak Senpereko lakuaren ondoan bosgarren kolegioa eraikitzeko baimena, eta abenduan hasi ziren eraikuntza lanekin. Datorren ikasturtean lehenengo 80 ikasleak hartzeko xedea dute; gerora, 300 gazterentzako lekua egitea dute helburu.