Intxortan hildako 44 elorriarrak "ahanzturan ez galtzeko" dei egin du Buruaga alkateak

  • Intxortako erresistentziaren 81. urtemugan, 7 hileko borroka hartan hildako 231 gudari eta milizianoak gogoan izan dituzte Elgetan; tartean, 44 elorriar. Idoia Buruaga Elorrioko alkateak ere parte hartu du ekitaldian.


2018ko apirilaren 23an - 12:20

Buruagaren esanetan, etorkizunera  begiratzeko ezinbestekoa da iragana ezagutzea. "Berrio gertatu ez dadin, gure seme-alabek ezagutu dezatela euren aitita-amamen historia". Borrokan hildakoez aparte, frontea jausi eta gero herrietan bortxatu zituzten emakumeak ere gogoan izan ditu Buruagak.

Elorrion Laumunarrieta elkarte memorialistikoa jaio berri da, eta horren lana goraipatu du alkateak.

Intxorta 1937 elkarteko kide Juan Ramon Garaik honi buruzko iritzi artikulua idatzi du Goienan:

"Orain 75 urte, elgetarrek eta Intxortaren magalera borrokatzera etorritako milaka miliziano eta gudariek, zazpi hilabetez, 1936ko irailetik 1937ko apirilera arte gerra guztien aurpegi bortitzena jasan zuten: ankerkeria. atxiloketak, fusilamenduak, sorgin ehiza, emakumeekiko errepresio basatia, bortxaketak, behartutako lanak... 

Bonba tona ugarirekin Elgeta suntsitu, eta bederatzi urte geroago konpondu zuten udaletxearen eraikina, etxean berriz, askoz ere geroago.

Baina gogorrena, 75 urte pasatu eta gero, oraindik inork barkamenik eskatu ez izana da.

Elgeta eta bere inguruak Euskal Erresistentziaren eredu izan ziren. Matxinatuek eta bere aliatuek, alemaniar, italiar eta mairuekin ezin izan zituzten hemengo lubakiak gainditu.

Mola eta Camilo Alonso Vegaren tropek beraien erasoaldietan behin eta berriro jasan behar izan zuten porrota.

Militar profesionalen aurrean, gudari eta milizianoen buruzagiak zibilak ziren: Felipe Bediaga, Pablo Ugarte, Segundo Olazagoitia, Patxo Gorritxo, Felix Casero, Pablo Beldarrain... gudari eta milizianoen armarik onena Askatasunaren Irrintzian sinestea izan zen.

Horrenbestez, apirilaren 22an Intxortako Atean omenaldia egin zitzaien gerran zehar hildakoen senideei eta hain era heroikoan Elgetako sektorean aritutakoei honako batailoi hauetan:

Euskal miliziak, Euskal Milizia Antifaxistak, Milicias Populares, Amuategi, ANV I Olabarri, Arana Goiri, Regimientos Vascos de Artilleria (artileria astun eta arina, 2. eta 3. erregimentuak), Azaña, Castilla, Compañia Roja Alza, Dragones, Ibaizabal, Brigada Internazionalistak, Itxasalde, Kirikiño, Larrañaga, Loiola, MAI IRRINTZI, Martiartu, Muñatones, Otxandiano, Pablo Iglesias, Rusia, Saseta (metrailadoreen konpainia), UHP, Zabalbide, UGT13 Martinez Aragón edo Barakaldo, CNTren 1. zulatzaile-minatzaileen batailoia, CNT-8 babeslekuen ingeniariak, Eusko Gudarostearen 2. zulatzaile minatzaile batailoia, Zulatzaile-minatzaileen Matxin konpainia, 15. zulatzaile-minatzaile batailoia, Intendentziaren Delegaritza, Osasungile eta gasaren kontrako gudaren delegaritza, guda garraioaren delegaritza, arma eta munizio delegaritza.

Ezinbestekoa da iraganaren berri izatea, oraina ulertu eta etorkizuna eraikitzeko".

Albiste hau Anbotok eta Goienak argitaratu dute eta ARGIAra ekarri dugu CC by-sa lizentzia baliatuta.

 

 


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Elorrio
Asier Guerra Herrero, Cecosako langilea
"Eroskin higadura fisiko handia jasaten dugun langileontzat gutxieneko baldintzak lortu ditugu"

Elorrioko Eroskiren produktu ez-galkorren biltegiko Cecosa azpikontratako langileek oso baldintza kaskarretan dihardute: biltegiaren azken katebegian egiten dute lan zama handiekin, eta Espainiako estatuko hitzarmena aplikatzen zaie. Abenduaren 11tik 16ra grebara jo zuten eta... [+]


Greba hasi dute Eroskiko Elorrioko biltegiko langileek, gehienak migranteak

Abenduaren 11tik 16ra egingo dute greba. ELA sindikatuak adierazi du lan hitzarmenaren “estatalizazioa” dela "lan baldintza latzen" erantzule.


2023-02-11 | Lide Iraola
Ane Alava, Ernaiko bozeramailea
"Gazte Topagunea komunitatean eta auzolanean eraikitako bizimoduaren erakusleiho da"

Iaz Gazte Martxa egin zuten Zugarramurditik Elizondora, eta aurten Topagunea egingo dute apirilaren 6tik 9ra Elorrion. Forma edozein delarik ere, eutsi egin nahi dio Ernai gazte antolakundeak komunitatea biltzeko duen “ekimen berezi eta mimatuenari”. Egitarau zabala... [+]


Eguneraketa berriak daude