AHTren kontrako aldarria Durangaldean, bi gurpilen gainean
Dozenaka lagun elkartu dira larunbatean Abadiño eta Elorrio artean antolatutako AHTren kontrako bizikleta martxan.
Abiadura Handiko Trenaren lanak indarrez ari dira Durangaldean, Abadiño eta Elorrio lotuko dituen bi zatiak 2019an esleitu zituzten eta 165 milioi euro kostako dituzte denera. Tartean, hamahiru zubi-bide, hiru pasabide eta tunel bat egitea aurreikusi dute enpresa eraikitzaileek –Sacyr, Tecsa, Mariezkurrena eta Dragados dira horietako batzuk–. “Euskal Y” delakoaren lokarriaren aldeetako bat d honakoa, EAEko hiru lurraldeak trenbide sare hirukoitz batekin lotuko dituena, hain zuzen.
Esleipena duela urtebete egin zen arren, lan astunenek Covid-19aren itxialdiarekin egin zuten bat eta Atxondon, esaterako, herri guztia obratarako margotu zuten. Inguruotan AHTren eraikuntzak paisaian inpaktu handia izango duela aurreikusten dute azpiegituraren kontrako eragile eta mugimenduek. Gainera, duela bi hilabete hainbat baserri eta etxe historiko eraitsi zituzten Atxondon eta Abadiñon.
Kezka handia sortu du egoerak eskualdean, eta mobilizazioak ugaritzen ari dira. Horren erakusgarri larunbata honetan antolatutako bizikleta martxaren arrakasta izan da. Azken hilabeteotan ikustera ohitu gabe gauden irudiak jazo dira: dozenaka lagunek hartu zuten parte Abadiño eta Elorrio lotu zituen ibilbidean.
Mendiola inguruan AHTko obrekin egiten ari diren “txikizioa” ikusten aukera izan zuten parte-hartzaileek. Ondoren, Atxondon hamaiketakoa egin eta Elorrion amaitu zuen martxak: “200 lagunetik gora elkartu gara, haur, gazte zein ez hain gazte, pedalkadaz pedalkada, AHT gelditzera gatozela esateko. Ilusioz eta gogoz jarraitzen dugula esateko eta Durangaldean saretuta eta lanean ekiteko gogoz dihardugula adierazteko”, azaldu du Atxondon AHTrik ez! taldeak.
AHTren kontrako eragileek inoiz baino arrazoi gehiago ikusten dute obra horiek geratzeko, eta gogorarazi dute duela gutxi Europar Batasuneko Kontu Auzitegiak emandako datua: ia 30 urteko atzerapenarekin jarriko dela martxan azpiegitura. “Hori horrela, orain arte egindako azpiegiturak zaharkituak egongo lirateke, eta beraz, berriro dena berritzeko lanak egitera. Honek ez du ez hanka, ez bururik”, diote.
Euren esanetan AHTren trazatuaren herena baino ez dago bukatuta eta oraindik gehiena egiteke dago: “Beraz, gelditu daiteke eta gelditu behar da”.
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Abiadura Handiko Trenaren kontrako plataformak astelehenean jakinarazi zuen Espainiako Gobernua eta Nafarroakoa egiten ari diren zundaketa kanpainak ez duela etenik. Izurdiagan eta Otsobin herri mugimenduak lortu zuen geldiaraztea legezkoak ez ziren eta baimenik gabe abiatu... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]