Iñigo Gutierrez euskal presoa berriz espetxeratuko dute, hirugarrenetik bigarren gradura pasata

  • Bi aste eta erdi zeramatzan hirugarren graduan, Zaballako Gizarteratze Zentroan, Espetxeetako Idazkaritza Nagusiak hala erabakita. Orain, ordea, Espetxe Zaintzako epaile batek ebatzi du kartzelara itzuli beharko duela, bigarren gradura atzera eginda. Izadi hiru urteko alabaren bi gurasoak kartzelan egongo dira berriro.


2022ko otsailaren 14an - 16:29
Azken eguneraketa: 17:32

Etxerat-ek jakinarazi du Iñigo Gutierrez Algortako euskal presoak kartzelara itzuli beharko duela, bigarren gradura pasatuko dutelako. Bi aste eta erdi zeraman espetxetik kanpo, Zaballako Gizarteratze Zentroan, izan ere, Espetxeetako Idazkaritza Nagusiak erabaki zuen hirugarren gradua ematea.

Dena dela, Espainiako Auzitegi Nazionalaren mendeko Espetxe Zaintzako epaileak ebatzi du bigarren gradura itzuli beharko duela. Naiz-ek zehaztu duenez, “barkamena eskatu ez izana” da arrazoietako bat. Etxeratek salatu du presoaren eskubideak kaltetzeaz gain haren gertukoei ere eragingo diela; hain zuzen, Izadi hiru urteko alabak berriro bi gurasoak kartzelan izango ditu (Maria Lizarraga ama Zaballako espetxean dago).


Kanal honetatik interesatuko zaizu: Euskal preso politikoak
26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Eguneraketa berriak daude