Mila pertsona inguru atxilotu dituzte Keralan, 10-50 urte bitarteko emakumeak tenplu hinduetara sartzearen aurkako manifestazio bortitzetan.
India hegoaldeko Kerala Estatuko herri ugarik paralizaturik jarraitzen dute, bi emakume tenplu sakratu hindu batean sartu izanak eragin dituen protesten ondorioz. Hildako bat eta mila atxilotu inguru erregistratu dira dagoeneko.
Auzitegi Gorenak pasa den irailean baliogabetu zuen hilekoa izateko adin tartean dauden emakumeek tenplu sakratu hinduetara sartzeko zuten debekua. Lege berriari jaramon eginez, 40 urte inguruko bi emakume asteazkenean sartu ziren Sabarimalako tenplura.
Keralako Gobernuko Pinarayi Vijayan presidentearen arabera, emakumeak tenpluan sartzeko unea historikoa izan da. “Poliziari agindua eman genion emakumeak babestu zitzaten tenplura sartu ahal izateko”.
Legea betetzeko emakumeek dituzten arazoak salatu eta genero berdintasuna aldarrikatzeko, 620 kilometroko giza-katea osatu zuten Keralako bost milioi emakume inguruk. “Emakumeen harresia” bezala ezagun egin den giza-katea, tenpluaren ingurutik Estatuko kapitaleraino iritsi zen.
Giza-kateko irudiak (The Guardian):
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Indiako Poliziak bonba negar-eragileak jaurti dizkiete New Delhira bidean diren milaka nekazariei, gobernuak egin dien eskaintzari uko egin ondoren.