"Ikusmen egokia" bermatzeko Buruz Buruko finalean ezingo da pankartarik jarri
"Inolako" pankartarik ezingo da sartu Bizkaia frontoira igandean, "edukia eta kokapena edozein dela", Eskuzko Pilota Enpresen Ligak (EPEL) jakinarazi duenez. Neurriaren arrazoi "bakarra" zaleei "ikusmen egokia" bermatzea da.
Bizkaia Frontoian jokatutako "aurreko finaletan gertatutako egoerak ziurtatu ostean" hartu du pankartak debekatzeko erabakia Eskuzko Pilota Enpresen Ligak. Atzo ohar labur batean jakinarazi zuenez, maiatzaren 29an, igandea, Bizkaia Frontoian jokatzekoa den Urrutikoetxea eta Irribarriaren arteko Buruz Buruko finalean "kirol esparruan ezingo da sartu inolako pankartarik, pankarten edukia eta kokapena edozein dela". Neurri honen bitartez bermatu nahi du Ligak sarrera ordaintzen duten pelotazaleek euren jesarlekutik partiduaren "ikusmen egokia" izan dezatela.
Erabakia errespetatu eta bete dezatela "eskertzen" die aldez aurretik Ligak ikusleei.
Oharra: Artikulua Uriola.eus webgunetik hartu dugu, CC-BY-SA lizentzia baliatuz.
Txikitatik bizi dugu lehia gizarte honetan: umetan haurren arteko jolasetan, heldutakoan bizitzako eremu guztietan –batzuetan kontzienteki onartzen dugu jokatzea eta bestetan nahi gabe erortzen gara lehia dinamiketan–. Agian horregatik dira kirolariak gizarte... [+]