“Galdu eta irabazi” Iñaki Artolaren bertso jarriak, Altunarekin ARGIAn izandako solasalditik etorriak
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela webgunean: "Edozein alorretan nahi badugu hazi, horixe da erronka: bitatik ikasi", horra buruz-buruko finalaurrekoa prestatzen ari den pilotariaren azken errematea.
Bertsoa landu nahi duenak bilatuko du materialik Bertso Ikasgela webgunean. Bertan dago ikusentzungai Iñaki Artolak jarri duen bertso sorta, Iñaki Artolak berak, Eñaut Agirrek eta Ainhoa Sarasuak ederki abestuta eta Ainhoa Elizondok (eskusoinua), Ainhoa Sarasuak (gitarra) eta Manex Pagolak (biolina) musikatuta.
Bertso sorta horretatik abiatuta, bertso eskoletan lehiaz gogoeta egiteko hainbat galdera planteatzen dira.
Alegiko bertso eskolako ikasleentzat jarritako sorta, denon eskura
Bertso Ikasgelak jaso duenez, Iñaki Artolak Alegiko bertso eskolako ikasleekin abesteko jarri zuen sorta hau. Eta bertso sorta eragin ziona Jokin Altunarekin galtzeaz eta irabazteaz izandako elkarrizketa izan zen, ARGIAk Larrun hilabetekarian argitaratu zuena, hain zuzen.
Finalaurrekoetan den buruz buruko txapelketan, lau aukeretako bat da Altunak eta Artolak finala jokatzea. Izango lukete orduan elkarri bertsoak kantatzeko gairik.
Poto egitea irakaspenaren parte bihurtuta
Bertso sortak barruan potoa duela aitortzen du Bertso Ikasgelak, eta Artolak horrelaxe uztea erabaki duela: "Akatsak ere bidearen parte direnez eta ikasteko balio dutenez". Potoa antzeman al duten, entzuleen teilatuan jarri dute pilota, hori ere jolas bihurtuta.
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Emakumeen eta hegemonikoak ez diren gainontzeko identitateen ikusgarritasuna du helburu ekimenak; zortzi bertsolarik hartuko dute parte aurtengo edizioan.
XV. Kopla Txapelketa
Non: Hiruputzu gaztetxean (Zarautz)
Noiz: Abenduaren 22an
Koblakariak: Aner Peritz, Oier Aizpurua, Alaia Martin, Jexux Mari Irazu, Etxahun Lekue, Aitor Bizkarra, Eneritz Artetxe, Maider Arregi, Joanes Illarregi eta Oihana Arana.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
Ricardo Urritzola ikerlariak aurkitu du bertso sorta Nafarroako Errege Artxiboan eta Ekaitz Santaziliak Nafarroako Unibertsitate Publikoko irakasleek aztertu ditu. Fermin Altxu Beristain maisuari leporatutako salaketa baten harira idatzi ziren.
EitbNet-eko zuzendaritzako kide baten agindua izan da, Unai Urruzuno EH Bilduko legebiltzarkidearen arabera, Euskadi Irratiko Faktoria saioan ostiralean Arzallusek kantatutako bertsoak saretik kentzea; Parot euskal preso askatu berriari buruzkoak ziren. EH Bilduk azalpenak... [+]
Danel Goikolea Arrasateko bertsolaria urtarrilaren 14an joan da. Hil baino ordu batzuk lehenago, bertso sorta kantatu hau zabaldu zuen lagunen artean. Umore handia darabil eta Pablo Milanesen Yolanda kantu ezagunaren hoskidetasunarekin jolasten du: Holanda du izenburu sortak,... [+]
Udazkena bertso saioz josia ukanen dute Lapurdi, Nafarroa Beherea eta Zuberoako bertsozaleek. Xilabaren finala Donibane Lohizunen iraganen da azaroaren 13an.
Bertsularien Lagunak Elkarteak jakitera eman ditu I. Aitor Sarasua bertsopaper lehiaketaren irabazleak: helduen mailan Ander Fuentes Mujikaren bertso sorta izan da saritua, eta gazteen mailan Nahia Etxeberri Lopepe. Bigarren eta hirugarren saria jaso dute, helduen mailan... [+]
Luis Otamendi Aiako bertsolaria hil da. Azken agurra Zarauzko beilatokian egingo zaio urtarrilaren 4an, goizeko 10:00etan.
Konfinamendu aro hau arintzeko aukera bat izan daiteke bertso zaharrak entzutea, eta horregatik, Xenpelarren "Miseriaren adarrak" bertso sorta berreskuratu eta musikatu egin dugu, nahi duzuenean entzuteko.
Eneko Abasolo “Abarkas”, Nerea Elustondo eta Eneko Fernandez bat-batean aritu dira bertsotan apirilaren 1ean, nor bere etxetik. Saioa hemen dago entzungai.
