Ikastolen Elkartea: “Ez gaude prest herritik eta herriarentzat sortutako hezkuntza proiektuak ezein administrazioren esku uzteko”
Iragan astean aurkeztu zen Euskal Eskola Publikoaz Harro topaguneari erantzunez, oharra plazaratu du Ikastolen Elkarteak. Ikastolak publifikatzeko eskaera “zaurietan gatza” botatzea dela dio elkarteak, eta ikastolak “herritik eta herriarentzat” lan egiten duten proiektuak direla. “Guztion arteko” eztabaida sakon bat eskatu du eta hezkuntza sistema propio bat aldarrikatu, “publikotasunaren definizio berri batekin”.
1993an Hezkuntza Publikoaren Legea onartu zuen Eusko Jaurlaritzak, ikastolentzako urte “gogorrak” elkartearen esanetan, “gure mugimendua haustera zetorren eta ikastola askoren publifikazioa ekarri zuen prozesua” izan baitzen. Harro azaldu da elkartea orduan ez publifikatzeko hartutako erabakiarekin, “herritik eta herriarentzat sortutako hezkuntza proiektuei herriarentzat eutsi genielako”.
Elkarteak azaldu du oraindik ere “ziklikoki” zauri hartan “gatza” botatzen duten ahotsak altxatzen direla, “orduan amaitu ez zen eraiste prozesua akaberaraino eraman behar dela aldarrikatzen duten ahotsak [...] Azkenak Euskal Eskola Publikoaz Harro topagunean biltzen diren eragileak izan dira”. Azaldu du topaguneko eragileek Eusko Jaurlaritzari eskatu diotela publifikazio prozesu berri bat abiatzeko. Topagunea osatzen duten eragileetako batzuk hori eskatzea espero izatekoa dela dio elkarteak, baina harrigarria egiten zaiola beste batzuengan –ez du zehaztu norengatik ari den–, “bakarka bestelako planteamendu bat egiten dutelako”.
Hezkuntza sistema propioa eta publikotasunaren adiera berria
Gogor erantzun dio Ikastolen Elkarteak topaguneari: “Ikastolok ez gaude prest herritarrek herritik eta herriarentzat sortu eta garatutako hezkuntza proiektuak ezein administrazioren esku uzteko, eta ez ditugu utziko”. Topaguneko eragileek publifikazioa “errezeta magiko”-tzat aurkezten dutela kritikatu du elkarteak, “horren bitartez soilik, lortu ei delako murgiltze sistema ezartzea, segregazioa amaitzea eta hezkuntza sistemak egun dituen gabezia guztiak konpontzea”.
Ikastolak Euskal Herri osoan sendo daudela aldarrikatu du elkarteak: izan kopuruan -”111 ikastola gara, 57.000 ikasletik gora ditugu”–; izan euskal curriculuma “ardatz” duen proiektuari dagokionez; erakundetze aldetik, Europar Kooperatiba elkartearekin zein Euskal Herriko eragileekin saretuz; edo arlo pedagogikoan hezkuntza “eraldatuz”.
“Hezkuntza sistema propio bat nahi dugu, herri ekimenak ere lekua izango duen publikotasunaren definizio berri batekin, eta hori legean ikusi nahi dugu” adierazi du elkarteak. Hori lortzeko eztabaida “zabal eta sakon” bat egitea proposatu du, “guztion artean eginikoa, baita gure mugimendua eraitsi nahi dutenekin ere”.
Topagunea: “Euskal hezkuntza-sistema birplanteatzeko garaia da”
Euskal Eskola Publikoaz Harro topagunea iragan astean aurkeztu zuten Donostian. EAE mailako eragilea da, eta honako eragileek osatzen dute: Gasteizko, Oiongo, Bilboko, Santurtziko, Oarsoaldeako, Astigarragako, Donostialdeako, Lasarte-Oriako plataformak, Ordiziako Euskal Eskola Publikoko Komunitateak, Goieskola, EHIGE (Euskal Herriko Ikasleen Guraso Elkartea), HEIZE (Euskal Eskola PublikoarenZuzendaritza Elkarteen Federazioa). Ikasle Sindikatua, Ikasle Ekintza, Gazte Komunistak, Ikasle Abertzaleak, Steilas, LAB, ELA eta CCOO.
“Euskal Eskola Publikoarekiko harrotasuna adierazi eta euskal hezkuntza-sistema osorako eskola bakarra aldarrikatu nahi dugu”, adierazi zuten topaguneko ordezkariek aurkezpenean. Hezkuntzak “aukera berdintasuna” bermatu behar duela aldarrikatu zuten, eta egungo EAEko hezkuntza sistemak “segregazioa areagotzen” duela salatu.
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Kanbon egin duten urteko biltzar nagusian ontzat jo dute lizeo berriaren garapenari buruzko txostena. Donapaleuko ikastolaren ondoan egongo da, eta hasiera batean 180 ikasle hartu ahal izango ditu, Seaskako arduradunen arabera. Lizeo berriaz gain, urteko biltzarrean azken... [+]
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Euskal hezkuntza sisteman haur zaurgarriak ondo integratzeko dekretua egin zuen Eusko Jaurlaritza Hezkuntza Sailak 2023ko maiatzean eta gaur haren balorazio oso kritikoa egiten du Ikastolen elkarteak: hark ez du balio izan segregazioa amaitzeko. Hainbat proposamen ere egin... [+]
Bordeleko Errektorearekin hitzartu du "behin-behineko" akordioa Seaskak. Horrez gain, Euskararen Erakunde Publikoarekin eta Frantziako Hezkuntza Ministerioarekin hitzarmena sinatzeko negoziaketak abiatuko dituzte hurrengo astean. Azterketak euskaraz egiteko aukera... [+]
Maiatzaren 21ean bidali diote gutuna Elisabeth Borne Frantziako Hezkuntza ministroari Ipar Euskal Herriko sei parlamentariek. Dagoen ikasle kopurua ikusita, ikastoletarako aurreikusi dituzten lanpostuak "aise gutxiegi" direla deitoratzen dute gutunean. Kexua adierazteko... [+]
Herri Urrats jaialdiko hasiera ekitaldian Seaskako zuzendaritzako kide Erik Etxartek salatu zuen Parisek oraindik ez ziela irakasle postu gehigarrien proposamenik egin hurrengo ikasturtera begira. Asteburuan heldu zaie Frantziako Hezkuntza Ministerioaren erantzuna, eta... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Atarrabiako Paz de Ziganda ikastola ari da antolatzen aurtengo Nafarroa Oinez festa. Gaur aurkeztu dute egun horri begirako abestia eta bideoklipa. Estitxu Arozena bertsolariaren letrarekin eta Igor Martinezek sortutako musikarekin osatu dute.
Frantziako Hezkuntza Ministerioak oraindik ez dio Seaskari argitu hurrengo urtean zenbat ikasgela eta irakasle izango dituen. Hori dela eta Baionako kaleak betetzera deitu dituzte guraso eta euskaltzaleak. Igandean, Herri Urratsera milaka lagun hurbildu dira beste urte batez,... [+]
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]