“Selektibitatea hezkuntzaren elitizazioan sakontzeko tresna da”, salatu du IAk
Elkarretaratzeak egingo dituzte selektibitateari eta Baxoari ezetz esateko. Gainera, apunte-banku bat eta klase partikularrak jarri dituzte martxan IAko kideek.
Gertu dago ikasturtearen amaiera eta, horrekin batera, gertu daude unibertsitatera sartzeko ikasleek egin beharreko probak. Urtero egiten duen modura, sarbide-proba horiek salatu ditu Ikasle Abertzaleak (IA) antolakundeak: "Selektibitatea hezkuntzaren elitizazioan sakontzeko tresna da, filtro sozialerako funtzioa betetzen duena eta ikasleon artean indibidualismoa eta lehiakortasuna areagotzen dituena". Azterketa horiek ikasleen osasun mentalean sortzen duten kalteaz ere ohartarazi du, eta, gainera, gogorarazi du Ipar Euskal Herrian ez dagoela aukerarik sarbide-proba, Baxoa, euskaraz egiteko.
IAk, bestalde, nabarmendu du aurten are larriagoa dela egoera, "selektibitate-eredu berriak ekarri duen ezegonkortasuna" dela eta. "Ikasleok informazio nahikorik gabe jarraitzen dugu oraindik", azaldu du: "Gure etorkizunarekin jolasten dute, ikasleon hitza eta interesak kontuan hartu gabe".
Iazko urrian, Ez jolastu gure etorkizunarekin! lelopean, mobilizazio jendetsuak egin zituen IAk Hego Euskal Herriko hiriburuetan, salatzeko selektibitate-eredu berriaren inguruko informaziorik jaso gabe jarraitzen zutela ikasleek. Espainiako Estatuko hainbat lurraldetan ere mobilizatu zen ikasleria, eta agintaritzek horregatik ikusi zuten euren burua behartuta zer edo zer esatera: Espainiako Hezkuntza Ministerioak, Unibertsitate Ministerioak eta Espainiako Unibertsitateetako Errektoreen Konferentziak (CRUE) adierazi zuten selektibitate berriaren azterketa-eredu guztiak argitaratuko zituztela. Hala ere, IAk berriki azpimarratu dutenez, informazio falta izugarria da oraindik ere.
Apunte-bankua eta protestak hiriburuetan
Sarbide-probak bertan direla ikusita, "indibidualismoari aurre egiteko", ikasleen arteko elkartasunean oinarritutako apunte-banku bat dauka martxan IAk. Horretaz gain, "filtro sozialari" ere kontra eginez, klase partikularrak antolatu ditu Euskal Herriko hainbat eskualdetan, azterketak elkarlanean prestatzeko.
Aurreko urteetan egin duen modura, bestalde, selektibitateari eta Baxoari ezetz esateko kontzentrazioak egingo ditu IAk azterketen egunetan. Hiriburuetan izango dira protestak, eta aurrerago emango du deialdi zehatzen berri antolakundeak.
Hezkuntza bi arazo handik zeharkatzen dutela adierazi dute IAk: "ideia erreakzionarioen" gorakadak eta "ikasleen egoeraren okertzeak". Mobilizazioaren deialdia hedatzeko, goizean errepide mozketak egin dituzte Donostian, Iruñean eta Gasteizen. Bilbon, Euskal... [+]
Ikasleen lan politikoa jazartzeko asmoz, Iruñeko Iturraman eta Biurdanan nahiz Bilboko Unamunon izan dira polizia-indarrak, IAk salatu duenez.
Kurtso hasieran, 2024ko irailean EHUko Bizkaiko campusean lan-zuzenbidea irakasten zuen irakasle faxista baten berri eman zuten ikasleek. Beste irakasle bat salatu berri dute, oraingoan EHUko Arabako campusean Farmazia Fakultatean, sare sozialetan mezu eta ideia erreakzionarioak... [+]
Iruñerriko IAk azaldu duenez, irakasle horrek ikasleak sexualizatu eta bortxaketak justifikatu zituen. Aurreko ostiralean eserialdi bat egin zuten eta sinadura bilketa bat izan dute martxan, irakaslea botatzeko.
"Alternatiba sozialista indartzera bidean" GKSk eta IAk eztabaidarako, hausnarketarako eta aldarrikapenerako espazioak antolatzeko beharra azpimarratu dute, eta horren baitan antolatu dute Gazte Topagune Sozialista. Ostegunetik hasita igandera arte izango da Altsasun.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Martxoaren 30eko greba egunean, Ikasle Abertzaleek deitutako manifestazioek kaleak hartu dituzte Bilbon, Donostian, Gasteizen eta Iruñean, "Enpresarien hezkuntzaren aurrean, ikasle langileok borrokara" lelopean.
"Elite ekonomikoen araberako hezkuntza" dugula, eta enpresen eta hezkuntza zentroen arteko harremanak, jakintza-alor batzuetan jartzen den indarra, funtzio diziplinatzailea, kontrol sistemak… horren erakusgarri direla iritzi diote Ikasle Abertzaleek. Greba eguna... [+]