ARGIA.eus

Itzulpen automatikoa / Machine translation

Greba antolatu du martxoaren 13rako Ikasle Abertzaleak-ek

  • Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste dugu".


2024ko otsailaren 07an - 15:42
Azken eguneraketa: 17:17
Ikasle Abertzaleak-ek antolatutako manifestazioa / Argazkia: Ikasle Abertzaleak

Martxoaren 13an ikasle greba egingo du Ikasle Abertzaleak taldeak, "negozioen eta inposizioen hezkuntzaren aurrean borroka egiteko". Adierazi dute enpresari handien eta politikari profesionalen kontrolpeko hezkuntza sistemaren helburua gazte belaunaldiak etorkizuneko lan indar bihurtzea dela, eta horregatik, “merkantilizatutako eta autoritarismoan oinarritutako hezkuntza eredua inposatzen ari dira, ikasle langileon interesak alde batera utzita”. Hezkuntza eredu gero eta “miserableagoa” dakarten inposizio orori aurre egiteko aterako dira kalera, pauso bakoitza "hezkuntza sistema sozialistaren" norabidean jarrita.

Ikasleei dei egin diete datozen asteetan antolatuko dituzten ekimenetan parte hartzera eta martxoko ikasle greban borroka egitera.

 


Kanal honetatik interesatuko zaizu:: Ikasle Abertzaleak
2023-09-24 | Mikel Eizagirre
"Militantzia politikoaren zilegitasuna defendatu behar da, inolako baldintzarik gabe"

2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]


2023-09-19 | Gedar
'Leioako 5en' askatasuna exijitu dute Altsasun

Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]


Ostegunean hasi eta larunbatean amaituko da Eskola Ibiltaria, Ikasle Abertzaleakek antolatuta

Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.


Urriaren 11tik 15era bitarte izango da Gazte Topagune Sozialista, Iruñerrian

Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.


Elkarretaratzeak egin dituzte selektibitatearen aurka Hego Euskal Herriko campusetan

Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.


Eguneraketa berriak daude