Sortuk jakinarazi du ez duela babestuko Ikasle Abertzaleen espazio politikoa

  • Ernaik joan den ostiralean publiko egin ostean IA-rekin zuen aliantza bertan behera gelditu dela eta hezkuntza eremuan jarduteari ekingo diola, Sortuk ere oharra kaleratu du. "Hemendik aurrera ezker abertzaleak ez du gaur Ikasle Abertzaleak siglak ordezkatzen duen espazio politikoa inola ere elikatuko ez eta babestuko ere", adierazi dute. Bilboko Erronda kaleko etxebizitzaz ere beren posizioa jakinarazi dute.

ARGIA @argia
2018ko urriaren 09a

Jarraian Sorturen oharra osorik irakurgai:

Ezker abertzaleak eta Ikasle Abertzaleak antolakundeak preferentziazko harreman politikoak izan dituzte historikoki. Harreman politiko sendoak eta sakonak izan ditugu, beti ere argi izanik Ikasle Abertzaleak ez dela inoiz organikoki ezker abertzaleko antolakunde bat izan.

Aliantza estrategiko hori Euskal Herriaren askapen prozesuaren gaineko egiturazko analisian oinarritu da. Hipotesi estrategiko bat konpartitu dugu azken hamarkadetan: independentzia eta sozialismoa txanpon beraren bi aurpegi direla; askapen nazionala eta eraldaketa soziala eskutik datozela; edo nahi bada, klase borrokak Euskal Herrian nazio askapen prozesuaren forma hartzen duela. Analisi hori oinarri hartuta Ikasle Abertzaleak –bere izenak ondo adierazten duen bezala– ikasle abertzaleen antolakunde bat izan da, proiektu politiko abertzale eraldatzailea landu duena hezkuntzaren esparruan eta ikasle mugimendu bat antolatzen ahalegindu dena norabide horretan.

Hori horrela, lehenago esan bezala, ezker abertzaleko antolakundeen eta Ikasle Abertzaleak-en arteko harremanak oso sendoak izan dira. Besteak beste, IAko militante asko ezker abertzaleko beste antolakunde batzuetako militante izan dira aldi berean, inolako kontraesanik gabe.

Gaurko IAk ez du historikoki izan denarekin zerikusirik. Azken urteetan metamorfosi bat gertatu da maila ideologiko eta politikoan. Antolakunde honek beste norabide politiko bat hartu du, Euskal Nazio Askapenerako Mugimenduaren analisi eta ikuspegi estrategikotik erabat aldenduz. Eraldaketa hau gutxi batzuen eskutik egin da, kongresurik egin gabe, eta ondorioz, militantzia osoak erabaki ahal izateko espaziorik eskaini gabe. Beraz, IAko egungo zuzendaritzak ibilbide historiko bat duen antolakunde bat bahitu eta desitxuratu du.

IAko egungo zuzendaritzak gainera erabaki organikoak hartu eta jakinarazi ditu zentzu honetan: zehazki IAn ere antolatuta dauden Ernaiko militanteei adierazi die ez dela bateragarria IAko eta Ernaiko militantea izatea aldi berean, eta beraz, baten edo bestearen aldeko hautua egin behar dutela.

Nork bere erabakiak hartzen ditu, nor bere erabakien eta erabaki horien ondorioen jabe da. Argitasuna ona da denontzat. Eta argitasun horretatik, ezker abertzaleak errespetuz jokatuko du IArekin, beste edozein eragilerekin jokatzen duen bezala. Errespetu berdina espero dugu gurekiko.

Urteetako prozesu baten emaitza izan den haustura honek ondorengo erabakia formalizatzera garamatza: hemendik aurrera ezker abertzaleak ez du gaur Ikasle Abertzaleak siglak ordezkatzen duen espazio politikoa inola ere elikatuko ez eta babestuko ere. Hezkuntzaren eremua estrategikoa izanik, ezker abertzaleak bertan lanean jarraitzeko konpromisoa berresten du, orain arte egin duen bezala, Euskal Herriaren eta hezkuntza eredu eraldatzaileen eraikuntzarekin konprometitutako ikasle guztiekin elkarlana sustatuz.

Azkenik, Bilboko Erronda kaleko pisua dela eta argipen bat: Pisua ezker abertzalearena da. Bere garaian IAri eta hezkuntzako eragile batzuei utzi zien, ezker abertzalearekin zuten aliantzaren ondorioz. Esan bezala IAk egun beste posizio politiko batzuk hartu ditu. Beraz aliantza hori hautsita, ezker abertzaleak ez dizkio bere baliabideak utziko bestelako posizio politiko eta ideologikoak dituzten ekimenak garatzeko. Tartean pisu hori.

Beste bide bat hartu dute. Errespetatzen dugu. Baina izan dadila bakoitza bere erabakiek dituzten ondorio guztien erantzule.

SORTU, 2018ko urriaren 3an.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Sortu  |  Gazte mugimendua  |  Ikasle Abertzaleak

Sortu kanaletik interesatuko zaizu...
Dena erabaki nahi dugu

Azken hamarkadetan bizkortu eta erabatekotu den globalizazioak gure errealitatearen aspektu guztietan izan du eragin esanguratsua: politikoa, kulturala, soziala, ekologikoa… Gerra Hotzaren osteko mundu mailako indar harremanen oreka aldatzen ari da eta interes kapitalisten baitan talka berriak sortzen eta areagotzen ari dira. Neoliberalismo global horretan lurraldeei eta pertsonoi etekinaren prismatik soilik begiratzen digute botere ekonomikoek: lehengaiak, produkzio-baliabideak eta... [+]


2018-07-17 | Sortu
Dena erabakitzeko, euskal errepublika
MULTIMEDIA - solasaldia

2018ko uztailaren 12an Donostiako Easo plazan Sortuk antolatutako solasaldia. Beñat Irasuegi, Unai Apaolaza eta Jone Etxeberria aritu ziren, Naroa Iturrik gidatuta.


2018-07-10 | ARGIA
"Dena erabakitzeko, Euskal Errepublika" solasaldia ostegunean Donostian

Azken hilabeteetan Euskal Errepublikaren aldeko kanpaina egiten ari da Donostiako Sortu, hau aldarrikatzeko arrazoiak sozializatu asmoz. Ostegun honetan, uztailaren 12an, Easo plazan 18:30ean, Unai Apaolaza, Jone Etxeberria eta Beñat Irasuegi ariko dira, Naroa Iturri moderatzailearekin.


2018-06-13 | Plaza Hutsa
"Politikotasunaren mugak zabaldu behar ditugu"
MULTIMEDIA - Plaza Hutsa

Bilgune Feministako bi kide gonbidatu dituzte Plaza Hutsera: Amaia Zufia eta Saioa Iraola. Gugintzaz, botereaz, zentralitateaz, artikulazioaz, burujabetzaz... finean feminismoaz jardun dute.


2018-05-21 | ARGIA
Sortuko militanteek ezker abertzalearen "ziklo berria" berretsi zuten Miribillan

Baietza sortzen lelopean, Sortuk ekitaldi politikoa egin zuen larunbatean Miribillako Bilbao Arenan, “ETAren amaierarekin batera ireki den ziklo politiko berriari bultzada emateko”. Antolatzaileen arabera, 4.000 pertsona inguru izan ziren ekitaldian.


2018-05-10 | ARGIA
Sortuk ekitaldi handi bat egingo du Miribillan, "borrokarako konpromiso eta ilusioak eraberritzeko"

Bilboko Miribillan "lehengo erta oraingo" ezker abertzaleko milaka lagun bildu nahi ditu Sortuk maiatzaren 19an, Baietza Sortzen deituriko ekitaldian.


2018-05-09 | Plaza Hutsa
"Euskaldunok euskaraz funtzionatuko duen Estatua behar dugu"
MULTIMEDIA - elkarrizketa

Begirada arabarra ekarri dute aste honetako Plaza Hutsera saiora: Manex Agirre (Aramaio, 1982). Aro politiko eta sozial berriari euskaratik begiratu dio. Pello Otxandiano Sortuko Herrigintza idazkariak elkarrizketatu du.


Sortu: "Espainiako Estatua ez dago prest biolentziari uko egiteko"

Sortuk presazko agerraldia egin du gaurko atxiloketak salatu eta irakurketa politikoa egiteko. Azpimarratu dute badirela sektoreak Espainian aurreko zikloan erosoago zeudenak, etekin politikoa ateraz egoerari. "Ez dute eskaintzarik EH eta Kataluniarentzat". Protestak deitu dituzte Euskal Herriko herri eta auzoetan gaur.


2018-02-14 | ARGIA
Portu eta Sarasolaren kondenak berrikusiko al dituzte Estrasburgoren epaiaren ostean?

Igor Portu eta Mattin Sarasolari jarritako kartzela-zigorrak berrikusi daitezela eskatu du Sortuk, asteartean Europako Giza Eskubideen Epaitegiak emandako epaiaren ondoren: Estrasburgok Espainia kondenatu du biei kalte-ordainak ematera, jasandako tratu txarrengatik.


Fauna publikoa
Abuztua ere hortxe dugu

“Antonio Gramscik erakutsi zigun hegemonia kontzeptua / sombrilla baten azpian puskaz hobe izango da ulertua”, kantatzen zuen Los Carradine taldeak La clase obrera kantan, zeinak deskribatzen duen, “alienazio” eta “gainegitura” artean, langile klasea nola doan paradisura… Marina d’Or-era. Kontua ez baita asturu txarreko belea izatea “winter is coming” esaka. Abuztua hortxe dugu, optimista izanez gero.


Azkenak
EGILEA
Eguneraketa berriak daude