Ikamak mobilizazio eguna antolatu du apirilaren 21ean, koronabirusak Hezkuntzan sortutako egoera salatzeko
Ikama ikasle antolakundeak apirilaren 21an deitu du mobilizazio eguna. Gasteizko mobilizazioa 12:00etan Andra Mari zuritik abiatuko da, Donostiakoa 12:00etan Bulebarretik, Bilbokoa 11:00etan Arriagatik eta Iruñakoa 12:00etan Hezkuntza departamentutik.
Ikasleak azken ikasturtean jasan behar izan duten egoera salatzeko, Ikamak mobilizazio eguna antolatu du. Bizi dugun egoerak ikasleei nola eragiten dien salatzea eta konponbideak eskatzea da Ikamaren helburua. “Iritsi da orduan ikasleria kalera atera eta aho batez nahiko dela esateko”, adierazi du Ikamak. Ikasleak “nazkatuta”, “amorratuta” eta “haserre” daudela azpimarratu dute eta ikasturtea inoizko zailena izan dela. Ikasleak jasaten duten egoera krisi soziosanitarioaren ondorioa soilik ez dela azpimarratu dute: “COVID-19ak aurretik genituen egiturazko arazoak azkartu eta azeleratu besterik ez ditu egin”.
Antolakundeak adierazi duenez, pandemiaren aurrean emandako erantzun “hutsalak” eta protokolo faltak agerian utzi du ebaluazio sistemak ez duela balio. Konfinatutako ikasleek, irakaslearen erabaki indibiduala izan ezean, azterketa egiteko aukerarik ez dutela salatu dute. Egoerari “sostengaezina” deritzote eta hezkuntza sailak ezer ez egin izana salatu dute.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]