Iaz baino bederatzi langile gehiago hil dira aurten, lehen hamar hilabeteetan EAEn, Osalanen arabera
Ia 30.000 gaixo edo lan-istripu agiri erregistratu dira aurten urtarriletik urrira bitartean; 2017an epe berean baino %2,7 gehiago. “Lan prekarietateari aurre egin behar zaio”, adierazi du Alberto Alonso Osalaneko zuzendariak.
Lan-heriotzak %42,9 igo dira iazko lehen hamar hilabeteetako datuak aurtengoekin alderatuz gero. 2017an hogeitabat hildako izan ziren, eta aurten hogeita hamar. Zehazki, hemezortzi langile hil dira Bizkaian, zazpi Gipuzkoan eta bost Araban. Datu horiek argitaratu zituen atzo Osalanek, lan-segurtasuna eta osasuna aztertzen dituen elkarteak.
Dena dela, bada datu bat beherantz egin duena. Aurtengo urtarriletik urrira, etxetik lanerako bidean hiru lagun hil dira, eta iaz zazpi. Bestalde, 29.965 baxa eman dira gaixo edo lan-istripuengatik, 2017an epe berean baino %2,7 gehiago.
Alberto Alonso Osalaneko zuzendari nagusia ez da gustura azaldu emaitzekin: “Behin-behinekotasunak ez du laguntzen, hori bistakoa da, eta laneko prekarietate horri aurre egin behar zaio”, azaldu du. Horretarako Osalanen lana “funtsezkoa” dela esan du, eta lan-istripu bakoitza “porrota” dela beraientzat.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.