Hirugarren gradua eman diote Xabier Sagardoi Barañaingo presoari

  • Jaione Karrera euskal presoen abokatuak azaldu duenez, Xabier Sagardoi Barañaingo presoari hirugarren gradua eman diote eta Iruñeko espetxean da. Sagardoi apirilaren 6an libre geratuko da, 2013tik preso egon ondoren.


2019ko martxoaren 05an - 10:16
Xabier Sagardoi, iazko apirilean asteburuko baimenarekin atera zenean. (Arg:Naiz)

2018ko apirilean ere Soriako espetxean asteburu bat kalera ateratzeko baimena eman zioten Sagardoiri, lehenago bigarren gradua eskuratu ondoren. Hori da orain EPPK-ko presoak egiten ari diren bidea, gehienak espetxeko lehen graduan dituzte, espetxe sisteman dagoen gogorrena. Espainiako Espetxe erakundeek eskaintzen dituzten espetxe onurak izateko ezinbestekoa da bigarren gradua izatea. Honekin asteburuetan kaleratzeko baimenak lor daitezke, espetxeko zuzendaritza batzordeak egoki ikusten badu. Hirugarren graduarekin, besteak beste, presoak eguna kalean eta gaua espetxean pasa dezake.

Gaur egun EPPK-ko presoek bigarren gradura igarotzeko baimenak eskatuta dituzte, baina orain arte gehienei ukatu egin zaie eskubide hori. EPPK-ko 211 preso dira Espainiako espetxeetan eta horietatik 34kri eman diete bigarren gradua, 14ri iaz eta 20ri aurten.Xabier Sagardoi Segiko kide zen eta Espainiako Auzitegi Nazionalak sei urteko espetxe zigorra ezarri zion kale erasoak egotzita. Behin-behineko askatasunean zegoela ihes egin zuen eta 2013ko irailean atxilotu zuen Guardia Zibilak Nafarroako Sorlada herrian.

Jaione Karreraren bideoa Sare elkarteak eman du ezagutzera bere Twitter kontua medio.


Kanal honetatik interesatuko zaizu: Euskal preso politikoak
54 urteko espetxe eskaera sei pertsonarentzat presoen ongi etorriak antolatzea egotzita

Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.


Presoen Euskara Irakasleen Taldeak agur esan du

Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.


2024-04-24 | Estitxu Eizagirre
'Zenbat lo' liburua aurkeztu dute Asteasun
Kartzelako hormak zeharkatzen dituen ama-alaben arteko harremana hitz eta iruditara eramana

Nekane Txapartegi Suitzako kartzela barrutik eta alaba kanpotik, elkarri hamaika modutara maitasun mezuak helarazten. Horra Txalaparta argitaletxeko Zenbat lo liburuak jaso duen historia, Iraitz Lizarragaren hitzetan eta Izaro Lizarragaren ilustrazioetan. Iragan hurbileko... [+]


Sortuko sei kide epaituko dituzte euskal presoei "ongi etorri" ekitaldiak antolatzeagatik

Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]


Eguneraketa berriak daude