Hobenak eta hutsegiteak
Datorren astean Joe Biden presidenteak Camp Daviden Fumio Kishida, Japoniako lehen ministroa, eta Ferdinand Marcos Jr., Filipinetako presidentea, hartzen dituenean, norbaitek pentsa lezake II. Mundu Gerra amesgaiztoa besterik ez zela izan. Eta Etxe Zuriaren iragarpen ofizialak dioen bezala, liderrek “hiruon arteko elkarlana bultzatuko dutela, adiskidetasunaren lotura historiko sakonetan, harreman ekonomiko sendo eta gero eta handiagoetan, balio demokratiko partekatuekiko konpromiso harro eta irmoan eta Indo-Pazifiko aske eta irekiaren aldeko ikuspegi partekatuan oinarrituta”; eta “Estatu Batuen eta Filipinen, eta Estatu Batuen eta Japoniaren arteko aliantzak berretsiko dituztela”.
Sarkasmoa erabatekoa izan zedin, Japonia eta Filipinen arteko “aliantza” ere aipatzea falta izan zitzaion ohargile dohatsuari.
Paperak zernahi jasotzen du eta, antza denez, nolanahi apaindu daiteke historia nahiz oraina paperean. Baina, zoritxarrez, II. Mundu Gerra ez zen ametsa izan Asia Ekialdean, amesgaiztoa esatea ere gutxi esatea baita. Milioi erdi eta milioi eta erdi biztanle (populazioaren ehuneko 3,5 eta 9 artean) artean hil baitzen Filipinetan, bere bi okupatzaileen arteko gatazka hartan. Bi milioi eta erdi eta hiru milioi pasatxo artean (biztanleriaren ehuneko 3,5 eta 4,5 artean) Japonia erasotzailean. Erasana izan zen AEBek izan zuten atarramendurik onena orduan, 200 mila hildako inguru (II. Mundu Gerra osoan izan zituenen erdiak) “besterik” ez baitzituen nozitu Asiako fronte hartan. Huskeria, apirilaren 11n mamutzar gisa ez bada Camp Daviden izango ez den Txinak nozitu zituen 15-20 milioi hildakoen aldean.
Ezin uka “lotura historikoak” sakonak direla. “Adiskidetasunezkoak” edo “balio demokratiko partekatuekiko konpromisoan” oinarritzen direla esateko, haatik, azala behar du.
Berez, 85-90 urte atzera eginez gero, agertokiak antzekotasun historiko ikaragarriak erakusten ditu... antzezleen paperak dezente aldatuta. Orduan bezalatsu, urrutiko botere hegemonikoak, bai, bertakoak lerrokatu nahi ditu, arriskutsua deritzon potentzia “berriaren” goranzko joeraren aurka. Hartarako, orduko borreroak eta biktimak nahas-mahasean elkartu daitezkeela ebaztea, ordea, gehiegitxo izan daiteke.
Baina, egungo Txina duela 90 urteko Japonia dela edo izan daitekeela uste izatea hobena baino zerbait okerragoa da: hutsegite ikaragarria da. Ulerbide hutserako: guztiz ezohiko moduan, Xik harrera egin dio jada Prabowo Subianto, Indonesiako presidente hautetsiari, karguaz jabetu baino lehen ere, iraganeko “txikikeriak” gorabehera. Eta Vietnam eta Txinaren arteko harremanak aspaldiko gozoenak direla esan daiteke.
Historia berregin behar izaten dute... hartatik ikasi ez dutenek.
Israelgo armada urria osoan bereziki gogor aritu da Gazako iparraldean, eta egunotan ere azken urteko erasorik gogorrenak egiten ari da bertan, ehunka pertsona hilda, gehien-gehienak zibilak eta tartean hamarnaka ume. Herritarrei Gazako hegoaldera joateko agindua eman diete... [+]
Lau urteren ostean Trumpismoa itzuli da Etxe Zurira, Donald Trump AEBetako 47. presidentea bilakatu da 78 urterekin. Hainbat deliturengatik zigortua izan den eta zenbait kausa irekita dituen lehen presidentea da. Hauteskunde garaipeneko hitzaldian, esan du “lelo soil baten... [+]
Palestinako BDS mugimenduaren presioaren eta eskala handiko boikot kanpaina baten ondoren hartu du erabakia Carrefourrek. Izan ere, finantza-galera erraldoiak sortu dizkio kanpainak, eta enpresaren ospea kaltetu du.
ErriBerri eraikuntza enpresak sei hilabete ditu Izabako lursaila “inguruarekin bat datorren egoera naturalean” uzteko. Orain lanen bigarren faseari ekingo diote, hondakinak, zimenduak eta gasolio depositu zaharrak kentzeko.
Israelen ofentsiba inperialista beste fase batean sartu da: bonbardaketak Yemen, Libano eta Sirian; Iranen kontrako erasoak; Libanoren inbasioaren saiakera… Sionistek aspaldiko helburu bat lortu dute: Palestinatik haratago joatea, eta erasoaldia eskualde mailako gerra... [+]
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
BRICS+ taldean gorabidean dauden ekonomia produktiboek edota lehengaien hornitzaileek parte hartzen dute. Horiek munduko gobernantza justuagoa eraiki nahi dute eta horrek talka egiten du nazioarteko fluxu ekonomikoak arautzen eta gobernatzen jarraitu nahi duen... [+]
Israel Katz da Defentsa ministro berria, orain arte Atzerri ministro izandakoa. Erabakiak israeldarren kexua eragin du eta milaka dira karriketara atera. Israelgo Gobernuko oposizioko ordezkariek prentsaurreko bateratua eskainiko dute azaroaren 6 honetan. Bizkitartean, Israelen... [+]
BRICS+ taldearen gailurra iragan berri da Errusiako Kazan herrian. Errusia, Txina, India, Iran, Brasil, Hego Afrika, Egipto, Emirerri Batuak eta Etiopia batzen ditu estatu-bloke horrek, eta beste 30 bat estatuk dute bertaratzeko hautagaitza aurkezturik. Ekonomikoki pisu handia... [+]
Zazpi estatu ikusten ziren gako gisa, eta, datu-ofizialen zain, guztietan gailenduko da Donald Trump. Horrez gain, herrialde osoko boto-portzentaje absolututan ere irabazi egingo du, 2016an ez bezala. Inkestek ez zuten hori aurreikusten. "Urrezko arora itzuliko... [+]
Astelehen arratsaldean gutxienez 478 pertsona erreskatatu dituzte Kanarietako uretan, eta asteburuan gutxienez beste 1.893 lagun artatu zituzten uharteetako salbamendu ontziek. Duela hiru aste Mauritaniatik pateretan abiatuta ihesi zetozen 48 pertsona hil dira gutxienez,... [+]
Uholdeek hartu duten zonaldea "katastrofiko" izendatuko du Valentziako Generalitateak, eta 31.400 milioi euroko laguntza eskatu dio Espainiako Gobernuari, tanta hotzak eragindako kalteak konpontzeko. Pedro Sánchez presidenteak astearte eguerdiko agerraldian... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Hogeita hamaika suhiltzaile nafar joan dira Valentziara, uholdeen ondoko garbiketa lanetan laguntzen, Horietako bat da Iñaki Sexmilio. "Zenbait lekutan gurea izan da iritsi den lehen laguntza taldea, herritarrak oso eskertuta daude", azaldu du Metropoli Forala... [+]