Hizkuntza oso bat debekatu zuen urtarrilean Facebook-ek 24 orduz
Urtarrilaren 16an, Birmaniako (Myanmarko) Katxin gutxiengoko kideek beraien hizkuntzan idazten saiatzen ziren bakoitzean, blokeatu egiten zitzaien Facebook. Ez zegoen modurik post bat egiteko hizkuntza horretan. "Zure eskaera ezin da prozesatu", erantzuten zuen Facebook-eko sistemak. Hurrengo egunerako konpondu zuten, eta Facebook-ek aitzakia hau eman zuen: "Bug bat (errore informatikoa) izan da gure hizkuntza-azpiegituran".
Birmaniera ez bezala, Kachindarrek alfabeto latinoa erabiltzen dute beraien hizkuntza idazteko (idazkera berean, Jinghpaw). 1.1 milioi hiztun omen daude, 50 milioi biztanleko herrialdean. Zenbait etnia eta gutxiengo daude Birmanian, baina etnia nagusia birmaniar eta budistaren xovinismoa ikaragarria da. Aginte militarraren ikuspegitik izan edo ustezko lider demokrata Aung San Suu Kyi delakoaren aldetik, Birmania bat da, birmaniera besterik ez da han, budismoa da erlijio bakarra, eta beste guztiak menderatu beharreko terroristak: politika nazionalista-zentralista horrek eraman du Rohingya gutxiengo musulmanaren kontrako genozidiora.
Hain zuzen ere, Facebook-en bitartez budistaen gorroto genozidako mezuak zabaltzen zirela salatu izan da. Iaz Facebook-ek gorrotoaren kontrako eduki-politika hasi zuela iragarri zuen, erreakzio gisa. Era berean, 2019ko otsailean, konpentsatzeko edo, Birmaniako gobernuaren kontrako lau mugimenduren orriak debekatu zituen Facebook-ek, horien artean Katxin Independentziaren Armadaren orriak.
Kontestu horretan, Katxindarrek orain 24 orduz ikusi dutena ohartarazpen tetriko baten itxura du: beraien jarduna zentsuratu dezakete edozein unetan, edo beste ikuspegi batetik ikusita, beraien mezuak automatikoki detektatzen direla jakitea beldurgarri samarra ere bada.
The Verge agerkarian irakurri dugu istorioa.
Ilustraziorako, katxindarren hizkuntzan (Jinghpaw, Jinghpo) Txinan alfabeto latinoz argitaraturiko liburu bat. Katxin eskualdea Birmaniako iparraldean dago, Txinako mugan. Txinan ere bizi dira katxindarrak. Birmaniera, txinera eta katxinera edo Jinghpaw hizkuntza, hiruak ahaideak dira, familia sino-tibetarrekoak.
Martxan daude okzitanieran jatorria duen hizkuntza berpizteko hainbat ekimen. Ipar Euskal Herrian galzorian dagoen hizkuntza da gaskoia; aurreko mende hasieran galdu zen Hego Euskal Herrian.
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Astelehenetik ostiralera bitarte, 18 eta 35 urte arteko 80 gaztek mundu osoko hizkuntza gutxituen arteko harremanak sendotuko dituzte hitzaldi, mahai inguru eta mintegien gisako jarduerekin. Guztira 68 hizkuntza gutxituk izango dute presentzia topaketan, inoizko kopuru handiena.
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Bretainiako adierazpide musikal zein literarioen sustatzaile eta banatzaile nagusia izan da Breizh kooperatiba. Ia zazpi hamarkadetako ibilbidean ehunka egile bretainiarren lanak editatu eta ekoitzi ditu, horietako hainbat bretoieraz.
Egungo kurduerazko idazle esanguratsuenetakoa da Mizgin Ronak. Zortzi liburu ditu idatzita, bost eleberri eta hiru olerki liburu. 16 urte zituenean ihesera jo zuen, eta urte eta erdiren ondoren haren jaioterrian atxilotu zuten, Diyarbakirren. 1992an, 18 urte besterik ez zituela,... [+]
Talentua garai honetan zaindu, babestu eta erakarri beharreko altxorra ei da. Horregatik, Kutxabankeko lehendakari Anton Arriolak hezkuntzan ingelesari garrantzi handiagoa eman behar zaiola adierazi du, eta euskara horretarako oztopo izan daitekeela Poloniatik etor litezkeen... [+]
Apenas erreparatzen diogu edo, besterik gabe, ez dakigu hor dagoenik ere. Hego Euskal Herrian XX. mende hasieran itzali zen betirako, eta antzeko patua paira dezake Ipar Euskal Herrian. Neurri sendoak hartzen ez badira, gaskoia azkenetan egon liteke.
Okzitanian, joan den... [+]
Carli Pup (Udine -friuleraz Udin-, 1973) Friuli [friuleraz, Friûl] herriaren ekintzaile kultural garrantzitsuenetako bat da. Bere hizkuntza gutxituaren idazle, hizkuntzalari eta bere herriaren historialari bihurtu da.
Gaur egun, Informazione Friulana kooperatibako... [+]
Lagun asko sumatu dut kezkatuta euskaldun gero eta gutxiagok ahoskatzen duelako elle-a. Haur eta gazte gehienek bezala, heldu askok ere galdu du hots hori ahoskatzeko gaitasuna, idatzian ere nahasteraino. Paretan itsatsitako kartel batean irakurri berri dugu: altxorraren biya... [+]
570.000 familiak euren haurren ikasgeletako hizkuntza nagusia zein izango den bozkatzeko aukera dute martxoaren 4ra arte: gaztelera edo katalana. Garikoitz Knörr filologoaren eta euskara irakaslearen arabera, kontsultak "ezbaian" jartzen du katalanaren zilegitasuna... [+]
Iragan urtarrilaren hondarrean, Bretainiako lurraldeko bi hizkuntza gutxituei buruzko azken inkesta soziolinguistikoaren emaitzak publiko egin zituzten bertako arduradunek. Haiek berek aitortu zuten harriturik gertatu zirela emaitzak ikustean. Hain zuzen ere, egoerak eta... [+]