Hiru euskal presoren senideak bisita gabe utzi dituzte pasa den asteburuan
Logroño eta Castelloko espetxeetan preso dauden Santi Aragon eta Txuma Altable euskal presoen senideei bisitak ukatu dizkiete kartzela horietako espetxezainek haraino joan eta gero. Etxerat elkarteak zabaldutako informazioaren arabera, gauza bera gertatu zaio beste euskal preso politiko bati.
Azken bost egun hauetan hiru euskal preso politikoren senide eta lagunei bisita egitea ukatu diete, kartzeletara iristeko ehunka kilometro bidaiatu ondoren.
Abuztuaren 28an, Logroñoko espetxean (joan eta etorrian 280 kilometroko bidaia) Santi Aragon euskal preso politikoaren aita (84 urte) bisitarik gabe geratu zen, hilabete batzuk lehenago jazotako egoera bat errepikatu ondoren. Aurreko aldi hartan drogen kontroleko txakur batek “markatu” zuen presoaren aita eta katxeatu beharko zutela esan zioten. Aragonen aitak ez zuen oztoporik jarri katxeoa burutzeko, baina erabat biluztera derrigortu zuten eta bata bat eman arren, jokaera iraingarria izan zen hura, ez baitziren bere duintasuna eta oinarrizko eskubideak errespetatu, ezta “katxeo integralen” inguruan espetxeak ezarritako legedia ere. Katxeoaren emaitza negatiboa izan zen.
Aste honetan egoera berdina berriz errepikatu zen, txakur eta guardia zibil berarekin, baita katxeo eskaera ere. "Egoera iraingarria eta aurreko aldiko urduritasuna berriz ere jasateko prest ez zegoenez, euskal preso politikoaren aitari bisita ukatu zioten", adierazi du Etxeratek. Santi Aragonek 18 urte daramatza espetxean, eta azken 8 urteak Logroñoko espetxean. "Urte guzti hauetan ez du inolako arazorik eman eta gutxiago drogarekin zer ikustekorik duenik jokaera desproportzionatu hau justifikatu ahal izateko", salatu du Etxeratek.
Bestetik, hilaren 24an, Txuma Altableren senide bati (Castelloko espetxea, 1.100 Km-ko bidaia joan eta etorrian), bisita baino ordu bat lehenago kartzelara iritsi ez zelako ukatu zioten bisita (ordu erdi lehenago iritsi zen, beti bezala). Egun berean, Imanol Minerren senideak (Granadako espetxea,1.680 Km-ko bidaia joan eta etorrian) izan ziren bisitarik gabe geratu zirenak, funtzionarioen arabera, haietako batek sartzeko baimenik ez zuelako.
Etxerat Elkarteak salatu ditu euskal preso politikoen senide eta lagunek jasaten dituzten egoerak. "Askotan, batez ere presoen gurasoak direnean, adinez nagusiak diren pertsonak dira, osasun edo mugikortasun arazoak dituztenak, bidaia luzeak egitera beharturik daudenak eta gainera bisita egin ahalko dutenaren ziurtasunik gabe. Espetxe politikak senideei eragindako kalteak indarrean jarraitzeaz gain, oso erraz handitu daiteke ematen den arbitrariotasun eta ziurtasun faltarengatik". Etxerat elkarteak euskal gizarteari dei egiten dio "mobilizazioetan parte har dezan, behingoz denon artean egungo espetxe politika eta honek sortzen duen sufrimenduarekin amaitzeko helburuarekin".
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]