Hilketak, bortxaketak, gerra zikina: Altsasukoa baino zigor eskaera txikiagoak dituzten hamar kasu

  • Harridura eta haserrea sortu ditu Altsasuko gazteentzat Espainiako Estatuko fiskaltzak egindako espetxe eskaerak: 62 urte eta erdi, 50 eta 12 urte eta erdikoak dira eskariak. Senideek, alderdi politikoek eta eragile sozial ugarik neurrigabekotzat jo dute. Zenbateraino da neurrigabea ordea? Konparazio batzuk egin ditugu.

Xalba Ramirez @xalbaram
2017ko uztailaren 06a

Marta del Castilloren bortxaketa, erailketa eta gorpuaren desagerrarazteagatik fiskaltzak 52 urte eskatu zituen Miguel Carcañorentzat. Azkenean, 21 urte eta hiru hilabetera izan zen kondenatua 2012an.

Sergio Moratek 2015ean Cuencan Laura del Hoyo eta Marina Okarynska itota erail zituelako 48 urte eskatu berri ditu fiskaltzak.

José Bretónek bere hiru urteko semea eta sei urteko alaba hil eta sutara bota zituen gorpuak. Fiskalak horrela eskatuta, 40 urtera izan zen kondenatua.

2008ko San Ferminetan Nagore Laffage bortxatzen saiatu, hil eta gorpua desagerrarazten saiatzeagatik  hamazazpi urteko eskaera egin zuen fiskaltzak, hiltzaileak biktimaren familiari 126.853 euroko kalte-ordaina aringarri gisa hartuta. Baimen bereziekin kalean da jada Diego Yllanes.  

Iazko San Ferminetan berriz, bost gizonen artean neska bat bortxatu eta zituen gauza guztiak lapurtzeagatik 22na urteko zigorra eskatu berri du fiskaltzak bostentzat.

Lugon bere bikotekide ohia zen Tatian Vazquezi 54 labankada eman zizkion Ibrahima N.-rentzat 27urteko zigorra eskatu zuen epaileak.

Ustelkeria delituetan sona handien izan duen Gürtel auziaren barruan, Luis Bárcenasentzat Altsasuko gazteena baino kartzela zigor baxuagoa eskatu du fiskaltzak. 42 urte sei deliturengatik, tartean eroskeria, iruzur fiskala, dokumentazioa faltsutzea eta kapitalen zuritzea.

GALen ekintzak baino larriagoa da Altsasukoa?

Guda zikinarekin lotutako auzietan fiskaltzak batzuetan kondena handiagoak proposatu dituen arren, kondenatuek kartzelan pasatako denborak ez du zer ikusirik orain eskatzen ari diren zigorrekin.

Adibidez, Santi Brouarden erailketagatik 1993. urtean egindako epaiketan, kondenatu zuten Rafael Lopez Ocaña, 33 urteko espetxe zigorra ezarriz.

Lasa eta Zabalaren auzian 2000ko apirilaren 26an zigortutako Jose Julian Elgorriaga Goyeneche PSOEko buruzagi eta Gipuzkoako Gobernadore Zibila eta Enrique Rodriguez Galindo, Intxaurrondoko komandantea (gero Guardia Zibileko generala), 75 urteko espetxe zigorrera. 21 hilabete egin zituen espetxean lehenak eta lau urte eta lau hilabete bigarrenak.

1983an Segundo Marey bahitzeagatik, orduko ministro zen Jose Barrionuevo eta Estatuko Segurtasun idazkaria zen Rafael Veraren aurka, 23 urte eskatu zituen fiskaltzak. Hamar urtera kondenatu eta hiru hilabete egin zituzten kartzelan indultua jaso aurretik.

Altsasuko auzia ordea ez da Espainiako Auzitegi Nazionalak egiten duen lehen eskaera neurrigabea. Asier Tapia Zulaika donostiarraren kontra 111 urte eskatu zituen 2005ean fiskaltzak, 2001ean Haikaren izenean emandako prentsaurreko batengatik. 2006an ere, Iñaki de Juanaren kontra bi iritzi artikulurengatik 96 urteko zigorra eskatu zuen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Altsasuko gazteak

Altsasuko gazteak kanaletik interesatuko zaizu...
2019-03-20 | Guaixe .eus
Altsasuko gazteen gurasoak Bruselara joango dira auziaren berri ematera

Altsasuko Auzia nazioartekotzeko bidean, Altsasu Gurasoak taldeko eta Altsasukoak Aske herri plataformako kideak, atzera ere, Bruselarako bidea hartuko dute asteazken honetan eta ostiralera arte han izanen dira.


2019-03-17 | Santi LeonÚ
GAIZKI ERRANKA
Txiki Park Navarra

Txiki Parketan, erraz ezagutzekoak diren koloreek osatzen dute mundua: horia hori da eta berdea berde, tarteko ñabardurarik gabe. Formak ere aise atzematen dira: leunak dira izaten, haurrei min ematen ahalko liekeen ertz edo puntarik gabeak. Azalera suabe eta beratz horien artean, umeek abenturak bizitzearen zirrara sentitzeko aukera dute, baina sekulan arriskuan egon gabe; gero gurasoei harro kontatzen ahal diete zeinen ausartak izan diren.


2019-03-13 | ARGIA
Bel Pozueta Altsasuko gurasoa, Espainiako Kongresurako hautagai EH Bildutik

Nafarroako zerrenda-burua izango da Bel Pozueta, Espainiako Kongresuko hauteskundeetan. Behin baino gehiagotan salatu izan dute Altsasuko gazteen afera Espainiako Kongresuan.


2019-03-11 | Hala Bedi
Guardia Zibilaren kuartelaren pareraino eraman dute Altsasuko gazteen aldeko aldarria Gasteizen

Elkarretaratzea egin dute Laudion. Altsasuko gazteen aurkako espetxe zigorren berrestea salatzea izan da ekimenaren xedea. Gauzak hala, Guardia Zibilak herrian duen kuartelaren pareraino joan dira protesta gauzatzera.


2019-03-11
Martxoaren 24rako manifestazioa deitu du Altsasu Gurasoak Plataformak

  Bi eta hamairu urte arteko zigorrak berretsi dizkie Espainiako Auzitegi Nazionalak Adur Ramírez de Alda, Jokin Unamuno, Jon Ander Cob, Ainara Urkijo, Julen Goikoetxea, Aratz Urrizola eta Oihan Arnaz gazteei.


Altsasuko Koxka tabernan izan dira Casado, Inda eta Beltran

UPN eta PP alderdien arteko ituna sinatzera etorri da PPko presidentea Nafarroara.


2019-03-07 | ARGIA
Altsasuko gazteen kontrako zigorrak berretsi ditu Auzitegi Nazionalak

Espainiako Auzitegi Nazionaleko Apelazio-Salak berretsi egin ditu Altsasuko gazteen kontrako 2 eta 13 urte arteko espetxe zigorrak, salbu eta Iñaki Abadena (hiru urte murriztu dizkiote), SER irratiak aurreratu duenez. Gazteen abokatuek oraindik ez dute epaiaren notifikaziorik jaso.


Martxoaren hasieran ezagutaraziko dute Altsasuko auziko behin betiko epaia

Auzitegi Nazionaleko apelazio aretoko magistratuek erabakia hartu dute.


2019-01-27 | Adur Larrea
Ez hanka ez buru
Altsasutik ez oso urrun

2019-01-25
Altsasuko Gurasoak - Sustapen saria
"Saria partekatu nahi dugu Altsasuko herriarekin, erakutsi duen duintasunagatik"

"Guretzat ohore handia da, ARGIArentzat hain berezia den urteurrenarekin batera, sari hau jasotzea", adierazi du Altsasuko Gurasoen ordezkari Isabel Pozuetak, alboan zituela Izaskun Etxeberria eta Antton Ramirez.


Azkenak
EGILEA
Eguneraketa berriak daude