Hilabete etxetik kanpo

Gasteizko Santo Domingo kaleko bizilagunek konponbiderik gabe jarraitzen dute

  • Hilabete pasa da, Udalaren aginduz, Gasteizko Alde Zaharreko Santo Domingo kaletik bederatzi familia euren etxeetatik irtenarazi zituztenetik. Santo Domingo Bizirik plataformak jakitera eman duenez, familia batzuei lau aldiz aldarazi diote etxez eta gehienak egoera “tamalgarrian” bizi dira. Udalaren jarrera “utzikeria hutsa” dela diote bizilagunek. Larunbatean kazelorada egingo dute Gasteizko Alde Zaharrean.

Miren Osa Galdona @Mirentx_U
2017ko abenduaren 01a

40 eta 42 zenbakieetako etxebizitzak “erortzeko arriskuan” zeudela argudiatuta, Gasteizko Udalak 72 ordu eman zizkien bertako bizilagunei eraikina husteko. Ordutik ziurgabetasunez bizi dira bizilagunak: etxez-etxe mugitu dituzte hainbat familia astebeteko epean, sukalderik gabeko ostatuak eskaini dizkiete eta, lau asteren ondoren, ez dute irtenbiderik jaso Udalaren aldetik.

Santo Domingo Bizirik! Plataforma sortu dute bizilagunek egoerari elkarrekin aurre egiteko. Udalaren “axolagabekeria” eta jarrera “pasiboa” salatzen dute: “Gure etxeetatik kanporatu gaituzte inongo bermerik gabe”. Azken hilabeteetan kaleak jasan duen “kriminalizazioa” ere nabarmendu dute: “Bizi handiko kalea izan da Santo Domingo. Eraikinak zaharrak direla badakigu baina ez dugu inongo laguntzarik jaso hauek berriztu ahal izateko. Alde Zaharrean gaude, oso toki estrategikoan, eta gure kontura Udalak etekina atera nahi du”.

Beste leku batzuetara bidali dituzten bizilagunek diote oso toki txikiak direla eta egunerokoa aurrera ateratzea “zaila” dela: “Sukalderik gabeko etxeak eman dizkigute. Nola biziko gara janaria prestatu ezin dugun leku batean? Ezinezkoa da”.

Kazerolada antolatu dute abenduaren 2rako, Udalari “presioa” egiteko. 14:00etan abiatuko da, Santo Domingo kaletik eta Alde Zaharretik barrena manifestazioa egingo dute. Abenduaren 10ª baino lehen konponbiderik ez badute, protestak areagotuko dituztela esan dute bizilagunek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Etxegabetzeak  |  Gasteiz

Etxegabetzeak kanaletik interesatuko zaizu...
Etxetik botatzeko asmoz zerraila aldatu diote familia bati Atarrabian baina berriz sartzea lortu dute

Agindu judiziala iritsi zaio familiari bigarrenez eta behin betikoa da. Etxea utzi beharko dute. Atarrabiako alkateak nabarmendu du saiatu direla laguntzen eta premia handienean zeudenean ere larrialdietarako laguntzak eman dizkietela.


2018-06-14 | ARGIA
Bere buruaz beste egin du Banco Popularraren aginduz etxegabetu behar zuten gizon batek

Cornella de Llobregaten (Katalunia) gertatu da. 45 urteko gizonak bere burua jaurti du hamargarren solairutik behera, Mossoak etxegabetze ordenarekin etxeko atean zirela.


Esan artzapezpikutzak egitekoa duen etxe kaleratzea atzeratu dute epaitegiek

Hipotekek Kalteturiko Plataformak adierazi du "forma" arazo batek atzeratu duela tramitea baina ohartarazi du artzapezpikutzaren nahia oraindik ere Esa herriko familia etxetik botatzea dela.


2018-04-25 | Miren Osa Galdona
Okupatutako etxeak azkarrago husteko lege-erreforma onartu du Espainiako Kongresuak, eskuin unionistek eta subiranistek bat eginda

Prozedura Zibileko Legea aldatzea onartu du Espainiako Kongresuak. Horrela, etxe bat okupatu duten pertsonak bi urteren buruan kaleratu ordez, bi hilabeteko epean kanporatu ditzakete. Neurriak ez du arrisku egoeran dauden familientzat edo norbanakoentzat alternatibarik jasotzen; administrazioak ez die zertan beste bizitoki bat eskaini. PPren, Ciudadanosen eta EAJren botoekin atera da aurrera PDeCATek proposatutako legea. Indarrean jartzeko Senatuaren onespena behar du.


2018-03-02 | ARGIA
360.000 etxegabetze sei urtean Espainiako Estatuan

2011z geroztik, urtean 60.000 etxegabetze burutzen dira batez beste Espainiako Estatuan, Botere Judizialaren Kontseilu Nagusiak emandako datuen arabera. Tartean sartzen dira ez soilik etxebizitzak, baita bestelako espazio, pabilioi edota bulegoak ere. 


Kutxabankek bikote gasteiztar baten aurka zuen kaleratze prozesua bertan behera utzi du epaileak

Cesarea eta Bartolomek 68 eta 72 urte dituzte eta Gasteizen duten etxetik bota nahi zituen Kutxabankek, baina Arabako probintzia-auzitegiak baliogabe jo du hipotekaren kuota bat ordaintzen ez duzunean bankuak hipoteka osoa eskatu ahal dizula dioen klausula. Ez dago helegiteak jartzeko aukerarik.


2018-02-14 | ARGIA
Etxegabetze asko eragin duen IRPH indizearen auzia Europara iritsiko da, Arabako kasu batengatik

Arabako auzitegiak Europara eramango du IRPH klausulen inguruko auzia. Espainiako Auzitegi Gorenak, epaileen arteko desadostasun handiekin, atzera bota zuen Arabatik emandako epai bat, zeinak indize hipotekarioa baliogabetzat jo zuen.


Etxetik bota ondoren ospitalera eraman behar izan dute 84 urteko Patxi Zubiarre Donostian

Ohatilan atera dute Patxi Zubiaurre 40 urtez bere etxea izan den lekutik. Asteazken goizean kaleratu du Abacredit mailegu enpresak, 2014ko maiatzean ezin izan baitzion 104.000 euroko hipotekari aurre egin.


2017-12-12 | ARGIA
Bertan behera utzi dute gaur kaleratzekoa den Patxi Zubiaurreren aldeko elkarretaratzea, berak hala eskatuta

Etxe Kaleratzeak Stop! taldeak deituta gaur goizean Donostian egitekoa zen elkarretaratzea bertan behera geratu da, Patxi Zubiaurrek, etxegabetu nahi duten 84 urteko gizonak, hala eskatuta.


Azkenak
EGILEA
Eguneraketa berriak daude