Bi zeuden lekuan lau sartu dira, eta puzzle berri horretan amaitu da, orain arteko terminoetan behintzat, Espainiako Estatuan Franco hil zenez geroztik indarrean izan den PP-PSOE alderdien gobernu txandakatzea.
XIX. mendeko Canovas-Sagasta alternantziari 100 urteko diferentziarekin aurkitu zioten birformulazio postfrankista eraitsi duen fenomeno politikoak Podemos du izena eta geratzeko asmoz etorri da.
Baina bipartidismoaren amaiera ez da Pablo Iglesiasen alderdiarekin hasten, 2011. urtean kaleak hartu zituzten mugimendu sozialekin baizik. M15ak alderdi politiko nagusiei eragin zien ordezkaritza-krisirik gabe nekez uler daiteke kongresu berriaren osaketa, ezta eztabaida politikoak Espainian hartu duen norabide berria ere. Podemosek hori dena irakurtzen asmatu zuen eta proposamen elektoral bihurtzen, ezkerreko alderdi tradizionalek egin dutena baino modu eraginkorragoan.
Ez dute irabazi bototan, baina bai sakonagoko zerbaitetan: 78ko Trantsizioko Espainiari alternatiba pragmatikoa eskaini diote eta gaur gobernagarritasun arazo handi samarra gosaltzen ari dira Espainiako gorteetan. PP-Ciudadanos koalizioak ez du gehiengo absoluturik ematen, alderdi laranja finantzatu zuten bankarien zoritxarrerako. PP+PSOE da gehiengo posible ia bakarra: Erregimena hain lotsagabe agerraraziko dute ala beste hauteskunde batzuk beharko dira laster?
Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.
Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.
Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.
Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.
Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.