Hezkuntzak grebei berrekingo die, sindikatuak zatituta: zer lortu da eta zer ez?

  • Lan baldintzak hobetzea aldarri, EAEko eskola publiko ez unibertsitarioko langileak grebara deituta daude asteazken eta ostegun honetan, baina bitxia da panorama: ELA, LAB eta STEILASek irakasleak grebara deitu dituzten bitartean, Haurreskolak Partzuergoko, Heziketa Bereziko eta sukalde eta garbiketako langileak STEILAS eta ELAk deitu dituzte, ez ordea hiru kolektibo horietan gehiengoa duen LAB sindikatuak. Negoziaketetan lortu denaz eta falta denaz iritzi kontrajarriak dituzte.

Mikel Garcia Idiakez @mikelgi
2018ko martxoaren 13a

Ezagunak zaizkigu sindikatuek irakasleen kolektiboarentzat dituen eskaerak: hezkuntza inbertsioa gutxienez Europar Batasuneko batez bestekora handitzea; ia %40ko behin-behinekotasuna %6ra murriztea; gutxienez 2.000 langile gehiago hartzea; gelako ikasle kopurua %10era jaistea; ordezkapenak lehen egunetik egitea… Baina Eusko Jaurlaritzaren eta sindikatuen arteko negoziaketek ez dute fruiturik eman eta irakasleak grebara deituta daude martxoaren 14 eta 15ean. Negoziaketek hobetu ezean, gainera, apirila bukaeran irakasleen astebeteko greba aurreikusi dute sindikatuek.

Batasun sindikala, apurtuta

Beste hiru kolektiboetan (Haurreskolak, Heziketa Berezia, eta sukaldea eta garbiketa), mobilizazioak bertan behera uztea erabaki du LABek (sindikatu hau lehen indarra da hiruretan), negoziaketetan horretarako moduko lorpenak egin direla iritzita. Halere, sektore horietan lan baldintzak hobetzen jarraitzeko borrokari eutsiko diotela dio sindikatuak, baina “zintzilik gelditutako edukiak Mahai Orokorrean argitzekoak direla uste dugu”. ELA eta STEILASek haserre hartu dute LABen hautua, “tamalgarria”, “ulertezina” eta “arduragabea” delakoan: leporatu diote sindikatuen aldarrikapenei erantzuten ez dien akordioa sinatzea, sektore guztietako aldarrikapen adostuak kontuan ez izatea eta batasun sindikala apurtzea.

Lortu denaz eta falta denaz iritzi kontrajarriak

Haurreskolak Partzuergoan lortu da, esaterako, haurreskoletan lan egindako orduek hezkuntza publikoko irakasleen baremazioan puntuatzea, ordezkapenak lehenengo egunetik egitea eta haurreskola guztietan 8 orduko zerbitzua eskaintzea. STEILASek, ordea, nabarmendu du akordioa “0-3 etaparen pribatizazioan beste urrats bat ematea” dela, “ehunka lanposturen galera” dakarrela eta ez dituela lan baldintzak hobetzen. ELAk gehitu du, besteak beste, haurreskolen doakotasuna lortzeko edota hezitzaileen artean dagoen %41eko behin-behinekotasuna jaisteko Jaurlaritzak ez duela proposamenik egin eta ratio-irizpide hobeak ezartzeko ere ez dela neurririk zehaztu.

Heziketa Berezian, LAB eta CCOO izan dira akordioa sinatu dutenak. LABek nabarmendu du, adibidez, “historikoak izan diren hiru aldarrikapen” lortu direla: fisioterapeuta, lan terapeuta eta gizarte langileen ordainsariak maisu-maistrenekin parekatzea; asteko jarduna zehaztea; eta garraioa euren funtzioetatik kentzea. STEILASek dio jarritako azken alegazioetatik bakar bat ere ez diola onartu Jaurlaritzak, eta ELAk uste du akordioak ez diola heltzen sektorearen arazo larrienei: hala nola, ia urte osoa lan egin arren ordezkoek uda kobratzeko eskubiderik gabe jarraituko dutela, hezkuntza laguntzaile espezialistek hezkuntzako batez besteko soldatako baino %22 gutxiago kobratzen jarraituko dutela, lan kargen hazkundeari erantzuteko neurrik ez dela hartu, 300 lanpostu inguru modu irregularrean mantentzen direla, garraioa espezialisten funtzio gisa definitzen dela…

Azkenik, sukalde eta garbiketako langileen akordioarekin bat egin dute LAB, CCOO eta UGTk. LABek dio “kolektiboaren pribatizazioa ekiditen” dela, baita 30 lanpostu gehiago txertatuko direla ere, lanpostu zerrendan dauden jardun partzialeko plazak osoak bihurtuko direla, laguntzak jarriko direla dieta eta bazkalkide kopuruaren arabera, eta egonkortasuna erraztuko dela. ELArentzat, ordea, sektorearen %90 pribatizatuta egonik, akordioak ez du gainerako %10aren pribatizazio arriskua ekiditeko inolako neurririk planteatzen eta behin-behinekotasuna ez du %63tik jaisten. Funtzioen errekonozimenduak ekarri beharko lukeen kategoria aitortzarik ere ez dagoela azpimarratu du ELAk, besteak beste.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskal eskola publikoa kanaletik interesatuko zaizu...
Ghetto-ikastetxeen egunerokoa

Maila sozioekonomiko baxuko ikasleak ikastetxe jakinetan kontzentratzeko joera gero eta handiagoa da Euskal Herrian; datuek argi diote. Alegia, pobreak –horietako ugari ijitoak eta jatorri migratzailea dutenak– aparteko eskoletan pilatzen ditugula, horrek haientzat eta gainerakoentzat dituen ondorioekin. Zein da ikastetxe horietako errealitatea, zeintzuk eguneroko behar, aldarrikapen eta pozak?


2018-08-24 | ARGIA
Hezkuntza ituna sinatu du Nafarroako sare publikoak

Ostiralean sinatu dute Nafarroako Gobernuko Hezkuntza Sailak eta STEILAS, LAB, Afapna, CCOO, ANPE eta UGT sindikatuek hobekuntzak egitearen aldeko ituna. ELAk ez du bat egin, itunak ez dituela murrizketak atzera botatzen iritzita.


Hezkuntza oposaketetako deskalabrua

Hezkuntzako oposaketak abiatu dira EAEn, eta asko dira haserre dauden irakasleak. Hainbat arlotan, eskainitako plazak ez dira beteko, lehenengo fasean bertan gutxiago izan direlako azterketa gainditzea lortu dutenak. Hala gertatu da, adibidez, Historian, Fisikan edo Matematikan (eskainitako plazen herenak baino ez du gainditu lehenengo azterketa, gutxi gorabehera), eta Teknologiako 60 plazetarako 60 irakaslek egin dute aurrera lehenengo fasean. 2016an ere berdin gertatu zen, eta orduan... [+]


2018-06-26 | Hainbat egile*
Irudika dezagun erlijiorik gabeko eskola!

Hezkuntza laikoa bakarrik da askotariko herritarron askatasun bermea. Hezkuntza laikoak soilik erantzuten dio herritar guztion kontzientzia askatasun beharrei, eta jendarte guztiaren aniztasun ideologiko, sozial zein politikoei adierazpide demokratikorako bide ematen dio.

 


Badator eskola txikien egun handia

Herri-bizitzaren motor eta bihotz, haurrak aniztasunean eta herriarekin eta naturarekin harreman estuan hezteko eredu aproposa dira eskola txikiak. Bai pedagogikoki, bai auzo eta herrietako komunitatean duten garrantzia aldarrikatzeko, aurten ere Gipuzkoako Eskola Txikien Jaia ospatuko dute, datorren igandean, Zumaiako Oikia auzoan.


40.000 pertsona bildu dira Lekeition euskal eskola publikoaren alde

Euskal eskola publikoa hezkuntza sistemaren erdigunea izatea aldarrikatu zuten EHIGEko kideek.


2018-06-04 | Mikel Basabe
Segregazioa: ez du balio erru guztia Jaurlaritzari egotzi, eta norbera bertan goxo geratzeak

Berria-n agertu zen: Gasteizko eskoletan segregazioa dago. Euskaltzaindiaren definizioan, Gasteizen ikasleek bere arraza, egoera sozial, sexu edo erlijioagatik bereizkeria pairatzen dute.


Euskal Eskola Publikoaren jaia ospatuko da igandean Lekeition

Igandean, ekainaren 3an, Lekeition ospatuko da euskal eskola publikoaren 27. jaia, 1994tik Euskal Eskola Publikoaren jaia ospatzen dute guraso elkarteek hezkuntza komunitateko gainontzeko kideekin batera,  eskola publikoa hezkuntza sistemaren ardatza izan behar dela aldarrikatzeko asmoz.


2018-05-28 | Arabako Alea
Ozen entzun da Gasteizen eskola publikoaren aldeko aldarria

Eskola segregazioaren aurkako aldarrikapenak Gasteizko kaleak hartu ditu. Izan ere, Ehunka gasteiztarrek parte hartu zuten atzo hezkuntza eredu inklusibo baten aldeko martxa batean, Euskal Eskola Publikoaren Aldeko Plataformak egindako deialdiari erantzunez. 60 elkartek baino gehiagok bat egin dute martxarekin. Bertan salatu dute euskal eskola publikoan bizi den segregazioa, eta egoerari aurre egiteko neurriak exijitu dizkiote Hezkuntza Sailari.


2018-05-25 | Miren Osa Galdona
Eskola publikoaren alde eta segregazioaren aurka kalera aterako dira Gasteizen

Eskola Publikoaren Aldeko Plataformak antolatu du protesta, besteak beste, azken bi urteetan Eusko Jaurlaritzak eskola publikoarekiko erakutsitako “utzikeria” salatzeko. Doakotasuna, aukera berdintasuna eta laikotasuna izango dira aldarri nagusiak.


Azkenak
EGILEA
Eguneraketa berriak daude