Hezkuntza publikoari buruz hitz txintik ere ez hauteskundeetan!
Hauteskunde kanpainako zurrunbiloaren ondoren, eta behin bozka hautetsontzian utzita, gure irakurketa egiteko moduan gaude. Azken finean, badirudi lehengo berdinek gobernatuko dutela, lehengo lepotik burua. Beraz, ez dakigu gobernu zaharberri honi erronka berriei aurre egiteko deia egin behar diogun edo egin gabe utzi zituztenez arduratzeko eskatu behar diogun. Nolanahi ere, legegintzaldi honek hezkuntzaren arloan izango dituen erronkei aurre egin behar badiegu, iraganera begiratu behar dugu nahitaez, eta egin gabe dauden zereginak mahai gainean jarri: euskalduntzea eta eskola-segregazioari aurre egitea. Izan ere, espero dugu gobernu honen jokabidea ez dela izango orain arte hezkuntzan egin duten hondamendiari muzin egitea.
Ez da mesfidati izateagatik, kontua da deigarria izan dela hezkuntzaren gaia saihesteko kanpainan egin den ahalegina, zein baino zein ageriagoa. Hauteskunde-eztabaidetan esandakoari erreparatuta, norbaitek pentsa lezake hezkuntza publikoa ez dela gure jendartea egituratzen duen zerbitzu publikoetako bat, edo are gehiago, pribatizatu gabe dagoela. Ez dezagun ahaztu Europar Batasun osoan Belgikak baino ez duela gainditzen Euskal Autonomia Erkidegoko pribatizazio-indizea.
Badirudi gaur egun inork ez duela bere gain hartzen legebiltzarrean %90,6ko babesa lortu zuen eta gure egungo hezkuntza-legearen ernamuina sortu zuen hezkuntza-akordioaren erantzukizuna. Jakin badakigu akordioa sinatu zuten alderdi politiko guztiek ez zutela azkenean legearen alde egin, baina gaur egun ados ez baleude, harritzekoa dirudi kanpainan ez aipatzea. Lotsatu egiten dira akaso? Agian, legea sustatzeko arrazoiak ez ziren irizpide politikoaren ondorio, beste motako interesak baizik?
Ez da erraza sare publikoa eta itundua parekatzen dituen proposamena kanpainan defendatzea. Imajinatzen duzue proposamen hori osasun arloan? Zaila izango litzateke hezkuntza legearen espiritu pribatizatzailea ukatzea
Hein batean ulergarria da, ez baita erraza sare publikoa eta itundua parekatzen dituen proposamena kanpainan defendatzea. Imajinatzen duzue proposamen hori osasun arloan? Zaila izango litzateke hezkuntza legearen espiritu pribatizatzailea ukatzea. Norbaitek euskal eskola publikoa benetan defendatu nahi izan balu ere, argudio modura esan zezakeen legegintzaldi honetan hezkuntza pribatuaren finantzazioa %30 handitu dela, adibidez, edota itundu ahal izateko ratioa 13ra jaitsi dela. Baita ituna bi urteko geletara zabaldu dela ere, eta, ondorioz, 16 milioi euro gehiagorekin finantzatu direla ikastetxe itunduak. Baieztapen horiei aurre egitea zaila izango litzateke, ez baitu zentzurik ituna zabaltzea jaiotza-tasaren jaitsiera kezkagarriaren aurrean gaudenean. Gogora zezakeen, halaber, Haurreskolak Partzuergoan doakotasuna sustatu den arren, ez dela baliabiderik jarri horri eutsi ahal izateko, eta zerbitzua murriztu dela. Alderdi politikoetakoren batek benetan gizarte-kohesioan sinetsiko balu, gogora zezakeen ikasle zaurgarrien %67 eskola publikoan matrikulatzen dela, edo Loiun ikasten duten ikasleen %96 ikastetxe pribatuan dagoela eta hara autobusez joaten dela, ingurumenaren kaltetan.
Zoritxarrez, badirudi hori guztia nahita desagertu egin dela kanpainan. Baina guri ez zaigu ahaztu, argi geratzen zaigulako hau ez dela merezi dugun hezkuntza-sistema, legebiltzarrak manifestazio jendetsuen bizkar egin baditu ere legeak. Beraz, kaleetan, ikastetxeetan, unibertsitateetan eta behar den lekuetan borrokatzen jarraituko dugu euskal eskola publikoa gure sistemaren ardatz egituratzailea izan arte. Berau baita, inklusioa eta euskalduntzea bermatzen duen bakarra, denona eta denontzat dena.
Nagore Iturrioz López eta Yolanda Porres García, Steilas sindikatuko kideak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]
Gure alaba nagusia Euskal Udalekuetara joan zen lehen aldian, 2019an, eraldatuta itzuli zen. 15 egunetan hazi egin zen, eta ez fisikoki bakarrik; arrunt pozik zetorren, hunkituta eta bere abenturak kontatzeko gogo handiz; ezin genion jarraitu, horren azkar hitz egiten zuen... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]
Nazio Batuen Batzorde batek bi urte behar izan ditu palestinar herriak hamarkadetan salatu duena berresteko: Israelgo estatu sionista genozidioa gauzatzen ari dela. Herri presioa gero eta handiagoa da gure agintarien gainean, eta nazioarteko boikotak lehen arrakalak ireki ditu... [+]
TikTok-en parafernaliatik urrun bizi naizenez, aurreko egunera arte ez nuen jakin Maria Pombo horren berri. Sare sozialek orduero aurkitzen dute kalapitarako gairen bat eta, honakoan, kristorena sortu zuten influencerrak irakurtzearen gainean egindako adierazpenek. "Esango... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]