ARGIA.eus

2022ko urtarrilaren 25a

Hezkuntza Lege berria eta euskara


Mitxel Elortza
2022ko urtarrilaren 14a

Azken asteotan luze hitz egiten ari da EAEko Hezkuntza Lege berriaz. Ekarpen gehienak oso interesgarriak dira, eta bat egiten dut proposamen gehienekin. Besteak beste, Hezkuntza aniztunaren aldeko apustua, doakotasuna bermatuko duena, publikoaren aldeko apustua lehenetsiko duena, administrazio-eskola harremana indartuz deszentralizazioa ahalbidetu eta familia-eskola harremana indartzeko proposamenak...

Horrez gain, segregazioa arazo estrukturala bilakatu da. Horregatik, administrazioak ghettoekin amaitu eta integrazioa bultzatzeko premiazko neurriak jarri behar ditu martxan. Aniztasunaren aukera paregabea baliatu behar dugu hezkuntzan egun dauden desberdintasunekin amaitzeko.

Aipatutako guztiarekin, argi ikusten dut oinarri ahalik eta zabalena izango duen lege bat adostu beharko litzatekeela, baina euskara eta gure kulturarekiko atxikimendua ahaztu gabe.

"Oinarri ahalik eta zabalena izango duen lege bat adostu beharko litzateke, baina euskara eta gure kulturarekiko atxikimendua ahaztu gabe"

Euskara hitza faltan sumatu dut proposamen, iritzi artikulu, eta hainbat elkarrizketatan. Ebaluazio diagnostikoek azken urteotan ikasleek euskara konpetentzia gero eta baxuagoa dutela adierazten dute. Hori gutxi balitz, euskara erabilera ere maldan behera doa, eta ez da harritzekoa, hizkuntza menperatzen ez duten haur eta nerabeek nekez hitz egingo baitute euskaraz.

Zoritxarrez ez da soilik Euskal Herrian bizi dugun arazoa. Katalunian ere hainbat ikerketek adierazten dute ikasle zein irakasleek gero eta gutxiago hitz egiten dutela katalanez. Argi dago, beraz, arazoa ez dela soilik ikasleen hizkuntzarekiko atxikimendua, irakasle batzuena ere baita. Horrekin batera, irakasleok formakuntza zabalagoa beharko dugu erabilera bultzatu, euskararen maila hobetu eta hizkuntzarekiko atxikimendua bultzatzeko dinamikak gelan aurrera eramateko. Eta erronka handia da. Izan ere, D ereduaren unibertsalizazioak izan duen arazo handienetako bat euskararekiko familien militantziaren galera handia izan da. Horri ere heldu beharko zaio.

Baina ez naiz ezkortasunean geldituko. Bilatu ditzagun euskal hiztun osoak eta erabilera bermatuko eta sustatuko dituzten neurriak.

Hizkuntza gutxituen biziraupenerako hiztunak trinkotzea ezinbesteko neurria da. Horregatik, haur euskaldunak ez sakabanatzea eta gela berean ama hizkuntza gaztelania eta frantsesa ez duten haurrekin batzea abiapuntu garrantzitsua izan liteke. Horrekin batera, gaztelania ama hizkuntza izan arren euskaraz egiteko joera adierazten duten haurrak ere arnasguneetan txertatu litezke. Ezin ahaztu haurrek erabilera bultzatzeko ereduak ezinbestekoak dituztela, bai irakasle baina baita ikaskideenak ere. Horrez gain, arreta berezia ipini beharko litzaieke euskara etxetik ez dakarten haurrei: errefortzuak jarri, bikoizketak egin, ratioak jaitsi, kanpotik datozen ikasleei harrera eta hizkuntza plana aurkeztu eta jarraipena egin..hots, laguntza gehiago behar dutenei baliabide gehiago emanez.

Esandako guztiagatik, Hezkuntza Lege berriaz gain, ikastetxeetan hizkuntza proiektu sendoak behar dira aipatutako guztiak era egokian jorratzeko. Hori martxan jarriko duten profesionalek formakuntza egokia beharko dute, eta hezkuntza komunitate guztiaren babesa.

Gure hizkuntzak, ikasle eta seme-alabek merezi dutelako, ekin diezaiogun bideari.

Euskara, jalgi hadi plazara!

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.

Kanal hauetan artxibatua: Iritzia  |  Hezkuntza

Iritzia kanaletik interesatuko zaizu...
Eskandaluak eta balizko maniobrak

Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]


Euskal elitearen eraketa

Azaroan Hego Euskal Herriko Eliteak: boterearen azterketa ikerketa lana aurkeztu zen. Ikerketa, talde lana izan da eta EHUko Jon Diaz Egurrolak zuzendu du, Paulo Iztuetaren laguntzarekin. Halaber, ikerketa eta argitalpena Ipar Hegoa eta Manu Robles Arangiz fundazioek finantzatu... [+]


Hitza zaintzaile

2022. urte atari honetan, opari prezagarria egin digute Euskal Itzultzaile, Zuzentzaile eta Interpreteen Elkarteak; Euskal Editoreen Elkarteak; Euskal Idazleen Elkarteak eta Galtzagorri Elkarteak, Hitzak Zaindari ekimena abiaraziz. “Euskal literaturaren hitzen zaintza... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude