Konponbideak presoen eskubideei buruzko topaketak antolatu ditu Eskoriatzan
Konponbidea ekimenak datorren apirilaren 12an Eskoriatzako Unibertsitatean presoen eskubideen aldeko gogoeta topaketak antolatu ditu. Ekimena esparru eta ideologia anitzeko jendeak bultza du, eta “giza eskubideak, konponbidea eta bakea” aldarrikatzen dute.
aurre egingo dieten hedabide independenteak
San Telmoko adierazpena
Martxoaren 15ean Giza eskubideen aldeko adierazpena aurkeztu zuten alderdi, arlo eta arakunde askotako hainbat herritarrek Donostiako San Telmo museoan. Bertan, konponbidera bidean adostasunerako gutxiengo batzuk adostu zituzten:
-
Presoak preso dira epaituak izan direlako, epaitu gabe espetxean aurkitzen direlako edota zigor bat betetzen ari direlako.
-
Bestelako bideak bazter utzita, legeriak ematen dituen aukerak modu pertsonalean erabiltzea onartu dute.
-
Bere eskubideak errespetatuak izan behar dute. Beraien ingurune sozial afektibotik gertuen dagoen espetxean zigorra betez, gaixotasun larriak dituztenen kaleratzeari bide emanez eta bizi osorako zigorra ahalbidetzen duten neurriak indargabetuz.
-
Eta presoak bezala iheslariak eta deportatuak ere. Haiek herriratu daitezen bideak bilatu behar direlakoan gaude.
-
Horretarako giza eskubide hauek urratzen dituzten legeak aldatu behar badira aldatu daitezela.
Eskoriatzako topaketa
"Gure indarra hitza bada erabil dezagun" azpimarratu dute antolatzaileek. Herritarren Topaketak elkar ezagutza bultzatu eta eztabaida eta adostasunerako espazioak eraikitzeko asmoz antolatu dituztela esan dute, eta goizeko 10:00etan hasita eguerdira arte HUHEZI unibertsitatean parte hartzera gonbidatu dute San Telmon aurkeztutako gutxiengoekin bat egiten duen herritar oro.
Lan metodologia, bitartekoak, San Telmoko adierazpena eta informazio gehiago www.herritarrentopaketa.net atarian dago eskuragarri.
Donostian aurkeztutako adierazpenean zehazten ziren gutxiengoekin bat egiten duten kideak:
- Sagrario Aleman
- Arantxa Arruti
- Joseba Azkarraga
- Ainhoa Aznarez
- Miguel Castells
- Lore Erriondo
- Ramon Gaztelumendi
- Jule Goikoetxea
- Pepi Gorostidi
- Aitziber Ibarbia
- Angeles Iztueta
- Jon Mirena Landa
- Maialen Lujanbio
- Jabier Madrazo
- Toti Martinez de Lezea
- Jon Maya Sein
- Jose Menocal
- Aitor Merino
- Amaia Merino
- Izaskun Moyua
- Pepe Moulia
- Eneko Olasagasti
- Peio Reparaz
- Teresa Toda
- Ramon Zallo
- Iñaki Aldekoa
- Ikerne Altuna
- Ione Artola
- Oscar Bañuelos
- Eloi Beato
- Juanba Berasategi
- Juan Ibarrondo
- Maddalen Iriarte
- Gorka Knorr
- Sustrai Colina
- Iñaki Lasagabaster
- Miren Agur Meabe
- Ane Mugurza
- Amaia Nerekan
- Mirentxu Purroy
- Arantza Urkaregi
- Jesus Viñaspre
- Iñaki Zarraoa
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.