Herritarrek bidea mozturik, Donamartirin nahi lukeen G5 antenaren instalazioa ez du lortzen Freek
Obrak azaroaren 2an hasi behar ziren, baina herritarrek pasabidea oztopatu diete Free enpresako teknikariari, jendarmeei eta uxerrari. Adi eta determinaturik segitzen du Arberoa Bizirik kolektiboak, behar orduan berriz blokeatzeko asmoz.
Behe-Nafarroako Donamartiriko Bordaldea kaskoan instalatzekoa duen 5G antenarekin zailtasunak ditu Free enpresa potoloak. Hain zuzen, herritarrak dauzka parean, bidea blokeatzen eta ezin du nahi bezala antena bertan kokatu. Martxoaren 29an bezala azaroaren 2 honetan ere oztopatu zuten hedagailuaren instalazioa. Jendarmeak, Free enpresako teknikari bat eta uxerra gunera hurbildu ziren, baina Arberoa Bizirik kolektiboko militanteek eta sostengua erakustera etorritako herritarrek bidea oztopatu zieten.
Ingurumenean eta baita osasunean ere G5 antenek izan dezaketen eraginak salatzen dabiltza egitasmoaren kontrakoak.
Horra hemen astearte goizeko unearen bideoa, Irulegiko Irratiak eskainitakoa:
Gendarmak eta Free operadoreko langileak Donamartiriko muinotik joan dira, hainbat herritarrek bidea hetsi dutela egiaztatu ondotik.@euskalirratiak pic.twitter.com/HUljK06Z0c
— Irulegiko Irratia (@Irulegiko) November 2, 2021
