Baztango eta Elizondoko alkateek heriotza mehatxuak jaso dituzte bi herri horietako udaletxeetan banderen legea ez betetzeagatik. Udaletxeko balkoietan Espainiako bandera jartzeko exijitzen zuten eskutitzean, “banderen legea nazio osoan betetzea derrigorrezkoa dela” argudiatuz. Hori egin ezean hil egingo dituztela ohartarazi diete Garbiñe Elizegi Baztango alkateari (Bildu) eta Mikel Sobrino Elizondoko alkateari (independientea) gutun bidez. Agrupacion de Nacionalistas Navarros (ANN) taldeak izenpetzen du adierazpena.
Nafarroako Bilduko ordezkariek atzoko prentsaurrekoan eman zituzten mehatxuen inguruko xehetasunak, tartean ziren Bakartxo Ruiz eta Xabier Lasa legebiltzarkideak eta Garbiñe Elizegi Baztango alkatea. Elizegiren arabera uztailaren 19ko data dauka gutunak, baina aurreko astean ireki zuten.
Gutunean astebeteko epea ematen diete ANNko kideek Bilduko ordezkariei ikurrina eta euskal presoen eskubideen aldeko ikurrak herritik kentzeko, eta ohartarazi diete egiten ez badute ekintzara pasako direla. Mehatxatuek salaketa jarri dute Foruzaingoan.
Ruizek, gogor salatu ditu mehatxuak. Bere ustez jarrera hauek argi uzten dute, eskuin zaharkituak joko demokratikoa onartzeko duen ezintasuna. Gogorarazi du koalizio subiranistak aurrez ere mehatxuak jasan izan dituela, besteak beste, 2011ko abuztuan Andoaingo eta Lasarteko udaletako ordezkariek jasandakoak.
EH Bilduko kideek dei egin die UPN, PSN eta PPri gertaera horiek salatu ditzaten. Mehatxu guztien gainetik lanean jarraituko dutela esanez amaitu dute prentsaurrekoa.
Nafarroako gobernuak eta UPNk ohar bidez gaitzetsi dute gertatutakoa.
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.