Lapurdin ikastola berri bat eraikitzeko oztopoak Parisetik
Parisetik atzera bota nahi dute Beskoitzeko Udalak ikastola berria eraikitzeko Seaskari egingo dion lurren lagapena. Beskoitzeko Herri Kontseiluak 520 metro koadroko zelaia herriko ikastolari uztea deliberatu zuen uztailaren 9an. Parisko Gobernuaren ordezkari den Patrick Dalennesek, erabakia bertan behera uzteko eskatu du gutun bidez.
Lagapena gauzatuko bada, bi aldeek hitzarmen bat sinatu beharko dute, sei urtero berritu ahal izango dena. Horrez gain, hilean 300 euroko alokairua ordaindu beharko du ikastolak. Suprefetak ordea, Falloux legea dela eta, Beskoitzeko Udalak “irakaskuntza pribatua” laguntzerik ez duela adierazi du. “Lurrak ikastolari ematekotan, merkatuaren salneurriaren araberako salmentaren bidez izan beharko du”.
Seaskak eta Beskoitzeko Herriko Etxeak ez dute adierazpenik egin nahi izan. Haatik, Max Brisson UMPko kideak Beskoitzeko ikastolarekin egin nahi dena, Biarritzekoarekin egiten den gauza bera dela azaldu du. “Ez badute ikastola egiteko proiektua onartzen, legeak gogortu dituztelako izango da”.
Bien bitartean, irailaren 3an eraikin pribatu batean hasi zuen ikasturtea Beskoitzeko ikastolak.
Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]
Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren... [+]
7.000 lagun bildu ginen Baionan, iragan maiatzaren 4an, Ikastolen kexua ozen adierazteko. Lapurdi, Baxenabarre eta Zuberoko 36 ikastolak alerta gorrian dira. Zenbait egunez mobilizazio jendetsu eta koloretsuarekin erantzun diete haur, guraso, irakasle, langile eta euskaltzaleek... [+]
Beskoitzen ez zen ikastolarik, 2013an inauguratu zuten arte, guraso batzuen etxean, hiru haurrekin. Falloux Legearen mamua hor badabil ere, gaur egun herriko etxeko lurretan, alokairuan, prefabrikatuan, 13 haur daude ikastolan.
Senpereko lakuan ospatu da Lapurdi, Nafarroa Behera eta Zuberoako ikastolen aldeko jaia. Miarritzen lizeo berri bat eraikitzeko erabiliko dute bildutako dirua.